પંડિત જિતેન હરિહર મહેસાણાવાળા

તા. ૨૧-૫-૨૦૨૩ થી તા. ૨૭-૫-૨૦૨૩

ગ્રહગોચર: સૂર્યનારાયણ આ સપ્તાહમાં વૃષભ રાશિમાં ભ્રમણ કરે છે. મંગળ કર્ક રાશિમાં માર્ગીભ્રમણ કરે છે. બુધ મેષ રાશિમાં મિશ્ર ગતિએ ભ્રમણ કરે છે. ગુરુ મેષ રાશિમાં માર્ગીભ્રમણ કરે છે. શુક્ર મિથુન રાશિમાં માર્ગીભ્રમણ કરે છે. શનિ કુંભ રાશિમાં ભ્રમણ કરે છે. રાહુ મેષ રાશિમાં ભ્રમણ કરે છે. ચંદ્ર પ્રારંભે વૃષભમાં રહી મિથુનમાં પ્રવેશે છે. તા. ૨૪મીએ કર્કમાં, તા. ૨૬મીએ સિંહ રાશિમાં પ્રવેશે છે.

મેષ (અ, લ, ઈ): ભાઈશ્રી! આ સપ્તાહમાં શૅરબજારમાં દૈનિક તથા સાપ્તાહિક વેપાર અને નવા રોકાણ માટેના નિર્ણયો સફળ પુરવાર થશે. નોકરીના હસ્તગત કામકાજમાં પરિવર્તન શક્ય છે. મિલકતના નિર્ણયો લઈ શકશો. વેપાર, કામધંધાની આવક વધશે. ગૃહિણીઓને પરિવારની સમસ્યામાં માર્ગદર્શન પ્રાપ્ત થાય. વિદ્યાર્થીઓના અભ્યાસ નિયમિતપણે જળવાઈ રહેશે. અભ્યાસ માટે જરૂરી સાધનો આ સપ્તાહમાં મેળવશો.

વૃષભ (બ, વ, ઉ): ભાઈશ્રી! આ સપ્તાહમાં શૅરબજારમાં ધાર્યા મુજબનું નવું નાણારોકાણ શક્ય છે. નોકરીમાં સ્થાન બદલી થાય. સામાજિક, રાજકીય જવાબદારીમાં બેધ્યાનપણું દાખવવું નહીં, કાર્યક્ષેત્રે મનોબળ દાખવી શકશો. આવકનાં સાધનો જળવાઈ રહેશે. ગૃહિણીઓને સંતાનના જવાબદારીના કામકાજમાં યશ પ્રાપ્ત થાય. વિદ્યાર્થીઓ ઉચ્ચ પરીક્ષામાં અનુકૂળ તકો પ્રાપ્ત કરશે.

મિથુન (ક, છ, ઘ): ભાઈશ્રી! આ સપ્તાહમાં શૅરબજારમાં કાર્યક્ષમતા અને આવડતનો પૂર્ણપણે ઉપયોગ સફળતાભર્યો જણાશે. નોકરીના અપેક્ષિત લાભ મેળવી શકશો. જૂના આર્થિક વ્યવહાર આ સપ્તાહમાં પૂર્ણ કરી શકશો. મિત્રતાનો સુખદ અનુભવ થાય. વેપારના કામકાજ વધશે. આવક વધશે. મહિલાઓને પરિવારમાં યશસ્વી અનુભવ થાય. વિદ્યાર્થીઓના શૈક્ષણિક પ્રવાસ સફળ બની રહેશે.

કર્ક (ડ, હ): ભાઈશ્રી! આ સપ્તાહમાં શૅરબજારમાં નવા નાણારોકાણના નિર્ણયનો અમલ થઈ શકશે. નોકરીના હસ્તગત કામકાજમાં પરિવર્તનો જણાય છે. જાહેર જીવનની પ્રવૃત્તિઓમાં દઢ મનોબળ અને આત્મવિશ્ર્વાસ ઉપયોગી બની રહેશે. જૂનાં નાણાં ઉઘરાણીનાં જવાબદારીના કામકાજ સંપન્ન થશે. મહિલાઓને સંતાનની જવાબદારીના કામકાજમાં સફળતા પ્રાપ્ત થાય. વિદ્યાર્થીઓ નવા અભ્યાસમાં અનુકૂળતાઓ અનુભવશે.

સિંહ (મ, ટ): ભાઈશ્રી! આ સપ્તાહમાં શૅરબજારમાં નવા નાણાકીય સાધનો દ્વારા રોકાણનો નિર્ણય સફળ બનતો જણાશે. નોકરીમાં ઉપરી અધિકારીનો સહયોગ અપેક્ષાનુસાર મેળવશો. ભાગીદાર સાથેના મતભેદો હળવા થશે. અનારોગ્યમાં ઝડપી સુધારો થાય. જૂના નાણાઆવકનાં સાધનો વધુ મજબૂત પુરવાર થાય. મહિલાઓને કુટુંબીજનો સહિત પ્રાસંગિક જવાબદારી પૂર્ણ કરવામાં સફળતા જણાશે. વિદ્યાર્થીઓને અભ્યાસ માટે યોગ્ય માર્ગદર્શન સમય અનુસાર પ્રાપ્ત થતું જણાશે.

ક્ધયા (પ, ઠ, ણ): ભાઈશ્રી! આ સપ્તાહમાં શૅરબજારમાં નવું રોકાણ શક્ય છે. નોકરીમાં માન-મરતબો જળવાઈ રહેશે. ભાગીદાર સાથેના મતભેદોનો ઉકેલ આવશે. પ્રવૃત્તિઓ, કાર્યક્ષેત્રે મનોબળ જળવાઈ રહેશે. નાણાંના ઉપાર્જનના સાધનો વધુ સક્ષમ બનતા જણાશે. ગૃહિણીઓના પરિવારના જવાબદારીના કામકાજ સફળતાથી સંપન્ન થતાં જણાશે. વિદ્યાર્થીઓનો શૈક્ષણિક પ્રવાસ સફળ બની રહેશે.

તુલા (ર, ત): ભાઈશ્રી! આ સપ્તાહમાં શૅરબજારમાં દૈનિક સાપ્તાહિક વેપાર લાભદાયી પુરવાર થશે. નોકરીના સ્થળની બદલી શક્ય છે. કારોબારની નાણાઆવકની વૃદ્ધિ થશે. ભાગીદાર સાથેના મતભેદોનો ઉકેલ આવશે. પ્રવાસ અવારનવાર શક્ય છે. કારોબાર માટે ઉપયોગી સાધનો મેળવી શકશો. મહિલાઓના સંતાનના જવાબદારીના કામકાજ સરળતાથી સંપન્ન થતાં જણાશે. વિદ્યાર્થીઓને રમતગમત તથા શૈક્ષણિક પ્રવૃત્તિમાં સફળતા પ્રાપ્ત થતી જણાશે.

વૃશ્ર્ચિક (ન, ય): ભાઈશ્રી! આ સપ્તાહમાં શૅરબજારમાં નવા રોકાણના નિર્ણયો સફળ પુરવાર થશે. નોકરીમાં જૂના અધૂરા કામકાજ સરળતાથી આ સપ્તાહમાં પૂર્ણ કરી શકશો. જરૂરી મદદનીશ મેળવશો. જૂના આર્થિક વ્યવહાર પૂર્ણ થશે. મિલકતના નિર્ણયો સફળ બની રહેશે. મહિલાઓને સંતાનની જવાબદારી પૂર્ણ કરવા માટે સફળતા પ્રાપ્ત થાય. વિદ્યાર્થીઓના સપ્તાહના અભ્યાસ નિયમિતપણે જળવાઈ રહેશે.

ધનુ (ભ, ધ, ફ, ઢ): ભાઈશ્રી! આ સપ્તાહમાં શૅરબજારમાં વાયદાના વેપાર તથા દૈનિક સાપ્તાહિક વેપાર લાભદાયી પુરવાર થશે. નોકરીમાં સાહસિકતાથી જૂનાં અધૂરાં કાર્યો પૂર્ણ કરી શકશો. જાહેર, સામાજિક રાજકીય પ્રવૃત્તિમાં યશસ્વી બનશો. પરિવાર સાથેનો નાણાવ્યવહાર અનુકૂળ બની રહેશે. મહિલાઓને પતિનો સહયોગ કાર્યક્ષેત્રે પ્રાપ્ત થશે. વિદ્યાર્થીઓના ઉચ્ચ અભ્યાસના નિર્ણયનો અમલ સરળતાથી થતો જણાશે.

મકર (ખ.જ): ભાઈશ્રી! આ સપ્તાહમાં શૅરબજારમાં નવા રોકાણ માટે અનુકૂળ તકો મેળવશો. નોકરીના સહકાર્યકરો ઉપયોગી થાય. નોકરીમાં અપેક્ષિત પરિવર્તનો પણ શક્ય જણાય છે. વાહનના, સ્થાવર મિલકતના નિર્ણયો સફળતાથી લઈ શકશો. પ્રવાસ દ્વારા કારોબારના વિકાસના કામકાજ સફળ બનશે. મહિલાઓના કિંમતી ચીજોની ખરીદીના કામકાજ સંપન્ન થશે. વિદ્યાર્થીઓ અભ્યાસ માટે અનુકૂળ તકો પ્રાપ્ત કરશે.

કુંભ (ગ, શ, સ): ભાઈશ્રી! આ સપ્તાહમાં શૅરબજારમાં ધાર્યા મુજબનું નવું રોકાણ શક્ય જણાય છે. નોકરીના અધિકારી સાથેની ગેરસમજણ દૂર થશે. નાણાખર્ચ પરત્વે કરકસર દાખવી શકશો. સપ્તાહના પ્રવાસ સફળ પુરવાર થશે. નાણાં આવકની વૃદ્ધિ થશે. મહિલાઓને સંતાનની જવાબદારીમાં અનુકૂળતાઓ જણાશે. વિદ્યાર્થીઓ આ સપ્તાહમાં અભ્યાસનાં સાધનો સરળતાથી મેળવી શકશે.

મીન (દ, ચ, ઝ, થ): ભાઈશ્રી! આ સપ્તાહમાં શૅરબજારમાં નવા રોકાણ માટે અનુકૂળ માર્ગદર્શન મેળવશો. નોકરી માટે સ્થળાંતર, પ્રવાસ શક્ય છે. અકારણ નાણાખર્ચ ટાળી શકશો. મિલકતના નિર્ણયોનો અમલ થઈ શકશે. મહિલાઓને નવી નોકરીના પ્રારંભ માટે સાનુકૂળ તક જણાશે. વિદ્યાર્થીઓને આ સપ્તાહમાં નવું જ્ઞાનપ્રાપ્તિ માટે અનુકૂળ તક જણાશે.