બોલિવૂડમાં એક્શન કિંગ તરીકેની પોતાનો એક આગવી ઓળખ ઉભી કરનાર જાણીતા રોહિત શેટ્ટીનો આજે હેપ્પીવાલો બર્થડે છે. રોહિત શેટ્ટીનો જન્મ 14 માર્ચ 1973ના રોજ મુંબઈમાં થયો હતો અને તેમણે 1991માં ‘ફૂલ ઔર કાંટે’ ફિલ્મથી આસિસ્ટન્ટ ડિરેક્ટર તરીકે પોતાના કરિયરની શરૂઆત કરી હતી. તમને જાણીને નવાઇ લાગશે કે આજે કરોડો રૂપિયામાં રમી રહેલા રોહિત શેટ્ટીનો પહેલો પગાર માત્ર 35 રૂપિયા હતો, અને આ પગારમાંથી તે પોતાના ખાવા-પીવાનો અને મુસાફરીનો ખર્ચ કરતાં હતા. રોહિત શેટ્ટીએ ગોલમાલ અને સિંઘમ જેવી સુપરહિટ ફિલ્મો બનાવનાર
રોહિત શેટ્ટીના પિતા એમબી શેટ્ટી બોલિવૂડના પ્રખ્યાત સ્ટંટમેન અને વિલન હતા અને આ જ કારણ છે કે એક્શને રોહિતના દિલો દિમાગ પર ઊંડી છાપ છોડી છે. બાળપણમાં રોહિત શેટ્ટીએ પિતાની છત્રછાયા ગુમાવી દીધી હતી. 2003માં રોહિત શેટ્ટીએ પહેલી જ વખત ફિલ્મ જમીનનું નિર્દેશન કર્યું હતું, જેમાં ફિલ્મમાં અજય દેવગન, બિપાશા બાસુ અને અભિષેક બચ્ચન મુખ્ય ભૂમિકામાં જોવા મળ્યા હતા. આ ફિલ્મ બાદ તો રોહિત શેટ્ટી અને અજય દેવગનની જોડીએ ઘણી ફિલ્મોમાં સાથે કામ કર્યું હતું.
રોહિત શેટ્ટીની ફિલ્મોમાં દર્શકોને શાનદાર એક્શન જોવા મળે છે. હવામાં ઉડતી કાર, ટ્રક અને હેલિકોપ્ટરમાં હીરોની એન્ટ્રી જેવા અનેક ફેક્ટર રોહિત શેટ્ટીની ફિલ્મોને રોમાંચથી ભરપૂર બનાવેછે. સિંઘમમાં રોહિત શેટ્ટીએ જે પ્રકારની ફાઇટ અને એક્શન સીન બતાવ્યા હતા એ દર્શકોને ખુબ જ પસંદ આવ્યા હતા.ત્યાર બાદ રોહિત શેટ્ટીએ ચેન્નઈ એક્સપ્રેસ, દિલવાલે અને સિમ્બામાં પણ એક્શન સીન દેખાડ્યા હતા… રોહિત શેટ્ટીની ફિલ્મોમાં ફાઇટ સીન્સ ખૂબ જ સ્પેશિયલ હોય છે.
રોહિત શેટ્ટીએ એકશનની સાથે સાથે કોમેડી ફિલ્મોથી પણ ફિલ્મ ઇન્ડસ્ટ્રીમાં સફળતા મેળવી છે. રોહિત શેટ્ટીની હિટ સિરીઝ ગોલમાલને ચાહકોએ ઘણી પસંદ કરી છે. રોહિત શેટ્ટીએ પોતાના ફિલ્મી કરિયરમાં અત્યાર સુધી તમામ પ્રકારની ફિલ્મો કરી છે. કોમેડી ફિલ્મોમાં અજય દેવગનની ગોલમાલ સિરીઝ, બોલ બચ્ચન અને સર્કસનો સમાવેશ થાય છે.
રોહિત શેટ્ટી માત્ર ફિલ્મોમાં જ નહીં ટીવી પર પણ એક્શન પ્લેયર છે. રોહિત શેટ્ટી લાંબા સમયથી રિયાલિટી શો ખતરોં કે ખિલાડી હોસ્ટ કરી રહ્યા છે. ફેન્સ અને ખેલાડીઓને શો હોસ્ટ કરવાની તેમની રીત પસંદ છે.
રોહિત શેટ્ટીનો કાર પ્રત્યેનો પ્રેમ કોઈનાથી છૂપો નથી. તેમની પાસે કારનું ખૂબ મોટું કલેક્શન છે જેટલું એમની ફિલ્મોમાં જોવા મળે છે. તમને જાણીને નવાઈ લાગશે કે રોહિત શેટ્ટીના 10 માળના શેટ્ટી ટાવરમાં ચોથો માળ માત્ર કાર પાર્કિંગ માટે છે. રોહિત શેટ્ટી પાસે Mahindra Scorpio, Range Rover Sport, Lamborghini Urus, Ford Mustang GT, Mercedes AMG G63 અને Maserati Gran Turismo Sport જેવી અનેક લક્ઝુરિયસ કાર છે.