જ્યોતિષશાસ્ત્ર એટલું બધું ગાઢ છે તમે એમાં જેટલાં ઊંડા ઉતરો એટલા વધુને વધુ ઊંડા ઉતરતાં જાવ અને આ જ જ્યોતિષશાસ્ત્ર અનુસાર કોઈ વ્યક્તિના નામનો પહેલો લેટર તેના વિશે ઘણું બધું કહી જાય છે. આ પહેલાં લેટર પરથી જ તેનો સ્વભાવ, પર્સનાલિટી અને ભવિષ્યમાં થનારી ઘટનાઓ વિશેનું ભવિષ્ય ભાખી શકાય છે. ઈંગ્લિશ આલ્ફાબેટ A to Z સુધીના નામો ધરાવનાર દરેક વ્યક્તિની અલગ અલગ ખાસિયતો હોય છે, આજે આપણે અહીં જોઈશું કે G અક્ષરથી જે લોકોના નામ શરુ થતા હોય એવા લોકોની પર્સનાલિટી શું હોય છે કે તેમની ખાસિયતો શું હોય છે એના વિશે…
સૌથી પહેલાં વાત કરીએ તેમના સ્વભાવ વિશે… જે લોકોનું નામ અંગ્રેજી મૂળાક્ષર Gથી શરુ થતું હોય એવા લોકોનો સ્વભાવ નાના બાળકો જેવો હોય છે. તેમનું મન ખૂબ જ સારું હોય છે અને તેમના દિલમાં ક્યારેય કોઈ માટે ખરાબ ભાવના નથી હોતી. આ જ કારણ હોય છે કે ઘણી વખત તેઓ મોઢા પર કડવું બોલી દે છે. તેમના આવા સ્વભાવને કારણે જ લોકો તેમને સ્પષ્ટવક્તા તરીકે પણ ઓળખે છે. એટલું જ નહીં પોતાના ભોળા સ્વભાવને કારણે ઘણી વખત આ લોકો કોઈના ઝાંસામાં ફસાઈ જાય છે. પરંતુ એક વખત છેતરાયા બાદ આ લોકો ફરી જીવનમાં ક્યારેય આ ભૂલનું પુનરાવર્તન કરતાં નથી.
રહી વાત જીવનસાથી સાથેના સંબંધની તો આ લોકો પોતાના જીવનસાથીને એકદમ વફાદાર રહે છે અને બદલામાં જીવનસાથી પાસેથી પણ એવા જ વર્તનની અપેક્ષા રાખે છે. આ લોકોની પર્સનાલિટી ખૂબ જ આકર્ષક હોય છે. તેમની નિર્દોષતાને કારણે તેઓ ખૂબ જ ઝડપથી બીજા લોકોને પોતાની તરફ આકર્ષિત કરે છે. નાનામાં નાનું કામ કરવા માટે પણ આ લોકો પ્લાનિંગ કરે છે અને ત્યાર બાદ જ તેમાં આગળ વધે છે.
લાસ્ટ બટ નોટ ધ લિસ્ટ G અક્ષરથી જેમનું નામ શરુ થતું હોય એ લોકો પરિસ્થિતિ પ્રમાણે ઢળી જાય છે. બધી જ પરિસ્થિતિમાં આ લોકો પોતાની જાતને ખૂબ જ સારી રીતે ઢાળી નાખે છે. ગમે એટલી વિચિત્ર પરિસ્થિતિમાં તેઓ વિચલિત થયા વગર તેનો સામનો કરે છે. આ ઉપરાંત લોકોને મદદ કરવામાં તેઓ ક્યારેય પાછું વળીને નથી જોતો. ખુલ્લા દિલે લોકોને મદદ કરનારા આ લોકો જીવનમાં થયેલી ભૂલોમાંથી જ બોધ પાઠ લઈને આગળ વધવામાં વિશ્વાસ રાખે છે.
