સોના-ચાંદીમાં નરમાઈ, ક્રૂડ ઓઈલમા તેજીના યોગો છે
ગ્રહ સંકેત -વિનોદ રાવલ
આ સપ્તાહના ગ્રહયોગો અને ખગોલિક સ્થિતિ : આ સપ્તાહમાં સપ્તાહના મધ્યમાં સૂર્ય અને શનિની યુતિ થાય છે. આ સપ્તાહમાં બુધ અને રાહુનો કેન્દ્રયોગ બને છે અને શુક્ર અને નેપ્ચ્યુન પણ યુતિ કરે છે.
મિત્રો, હજી સૂર્ય અને શનિની યુતિ, બુધ રાહુના સંબંધ દેશ દુનિયામાં અરાજકતા ફેલાવી શકે છે. દેશ દુનિયામાં સરકારમાં ફેરફાર, સરકાર સામે વિદ્રોહ, કોઈ રાજકીય અથવા મોટી હસ્તી ઉપર જાન લેવા હુમલા થઈ શકે છે. સરહદો પર નવા ટેન્સન આવી શકે છે. ત્રાસવાદી, આતંકવાદી હુમલા થઈ શકે છે. કુદરતી હોનારતો ધરતીકંપ, વાવાઝોડા, અતિશય વરસાદની શક્યતા છે.
શૅરબજાર : સામાન્ય સપ્તાહની શરૂઆત સામાન્ય મજબૂતાઈથી થઈ શકે છે. આ સપ્તાહમાં ખુલતા બજારથી વેચીને વેપાર કરવો લાભદાયી થઈ શકે છે. આ સપ્તાહના ગ્રહયોગો કે છે કે સપ્તાહના મધ્યમાં આકસ્મિક્ કારણ આવતાં બજારમાં ઝડપી અને મોટી વેચવાલી આવી શકે છે. ઈન્ડેક્સમાં સારી નરમાઈ જોવા મળે. સપ્તાહના મધ્યથી અંત સુધીમાં નફારૂપી લેવાલી આવી શકે છે. પણ તેજીનો વેપાર કરવો નહીં. માટે નફો બુક કરતા રહેવો.
આ સપ્તાહમાં ખુલતાં ઈન્ડેક્સ કરતાં સપ્તાહના અંતિમ દિવસોનો ઈન્ડેક્સ સારો નેમ જોવા મળે.
આ સપ્તાહમાં કોલ, પુટનો વેપાર કરી શકાય. લાંબા સમય માટે પુટ બાય કરીને અથવા કોલ વેચીને વેપાર રાખી શકાય. આ સપ્તાહમાં બૅંક, ફાઈનાન્સ, ઓટો, રિલાયન્સ, ફાઈનાન્સ સેક્ટરમાં વધઘટ જોવા મળી શકે.
સોના-ચાંદી :- આ સપ્તાહમાં સોના, ચાંદીમાં સામાન્ય મજબૂતાઈથી સપ્તાહની શરૂઆત જોવા મળી શકે છે. સોના અને ચાંદી વાયદા અને હાજરમાં આ સપ્તાહના શરૂઆતના દિવસથી જ બજારમાં વેચીને વેપાર ગોઠવવાથી લાભ મળી શકે છે. ખાસ ચાંદીમાં વેચીને વેપાર કરવો લાભદાયી રહે. એકાદ દિવસ મોટી અને ઝડપી વેચવાલી આવતાં ભાવમાં સારી નરમાઈ જોવા મળે. સપ્તાહના શરૂઆતના દિવસોમાં અને મધ્યના દિવસોમાં બજારમાં વેચવાલી આવી શકે છે. સપ્તાહની મધ્યમાં નફારૂપી લેવાલી આવતાં ભાવમાં સામાન્ય મજબૂતાઈ જોવા મળે. નફો બુક કરતા જવો. બજારમાં નરમ ધ્યાન રાખીને વેપાર કરવો. પણ વધઘટ બન્ને સાઈડ આવી શકે છે માટે નફોે બુક કરતા જવો. આ સપ્તાહમાં દરેક ઊંચા ભાવે વેચીને વેપાર કરવો લાભદાયી થઈ શકે છે. સપ્તાહના અંતિમ દિવસોમાં સોના ચાંદીમાં બેતરફી બજાર જોવા મળે.
ક્રૂડ ઓઈલ: આ સપ્તાહમાં ક્રૂડ ઓઈલમાં સપ્તાહમાં પણ મજબૂત ભાવ જોવા મળે. ક્રૂડ ઓઈલમાં શરૂઆતના દિવસથી સ્ટોક કરીને તેજીનો વેપાર ગોઠવવો. આ સપ્તાહના શરૂઆતના દિવસોમાં સ્ટોક કરીને તેજીનો વેપાર ગોઠવતાં જવો. સપ્તાહની મધ્યના દિવસમાં બજાર બેતરફી ચાલ બતાવી શકે છે. આ સપ્તાહમાં શરૂઆતના દિવસોથી મજબૂત ધ્યાન રાખી ને વેપાર કરવો. સપ્તાહના અંતિમ દિવસો સુધી તેજીનો વેપાર રાખી શકાય. સપ્તાહના અંતિમ દિવસોમાં નવી લેવાલી આવતાં બજાર મજબૂત રહી શકે છે. આ સપ્તાહમાં ક્રૂડ ઓઈલમાં મજબૂત ભાવ રહી શકે છે.
કોમોડિટી: આ સપ્તાહમાં કોમોડિટી બજારમાં મજબૂત ભાવ જોવા મળી શકે છે. સિંગતેલ, કપાસીયાં તેલ, તેલીબિયાં અને દિવેલમાં સપ્તાહની શરૂઆત મજબૂત ભાવથી થાય. સપ્તાહની શરૂઆતના દિવસથી જ તેજી ધ્યાન રાખીને વેપાર ગોઠવતા જવો. આ સપ્તાહમાં તેલ તેલીબિયાં, કપાસિયાં, એરંડા, દિવેલ, તેલમાં તેજી ધ્યાન રાખીને વેપાર દરેક ભાવે કરવો. સપ્તાહના મધ્યના દિવસો સુધી સ્ટોક કરતાં જવું લાભદાયી રહે. આ દિવસોમાં એકાદ દિવસ બજારમાં સામાન્ય નરમાઈ અથવા સાંકડી વધઘટ જોવા મળે. પણ મંદીનો વેપાર કરવો નહીં. કપાસિયાં, એરંડા અને દિવેલ, તેલમાં આ સપ્તાહમાં નવી લેવાલી આવતા હાજર અને વાયદામાં મજબૂતાઈ જોવા મળે.
