આસિત મોદીની તારક મહેતા કા ઉલ્ટા ચશ્માને 15 વર્ષ પૂરા થવા જઈ રહ્યા છે અને આ સિરિયલ ટીવી પર ચાલી રહેલી સૌથી લાંબી સિટકોમ્સમાંથી એક છે. વર્ષોથી તારક મહેતાના દર્શકો અમુક સીન્સની ખૂબ જ આતુરતાપૂર્વક રાહ જોઈ રહ્યા છે. જેમ કે દયાબેનનું પરત ફરવું, પોપટલાલના લગ્ન અને ટપ્પુ-સોનુ વચ્ચેના પ્રેમની અભિવ્યક્તિ વગેરે વગેરે. આમ તો દયાબેન ક્યારેય પાછા આવશે એ અંગે કોઇને કંઈ ખબર નથી પણ ટપ્પુ અને સોનુ વચ્ચે રોમાન્સ શરૂ થઈ ગયો છે.
ગોકુલધામ સોસાયટીના એકમાત્ર સેક્રેટરી આત્મારામ તુકારામ ભીડેનું દુઃસ્વપ્ન સાચું પડતું જણાઈ રહ્યું છે અને તેની એકમાત્ર પુત્રી સોનુ તેના બાળપણના મિત્ર ટપ્પુના પ્રેમમાં પડી ગઈ છે. ભીડે સોનુને ટપ્પુથી દૂર રાખવાની ઘણી બધી કોશિશ કરે છે પરંતુ તેની બધી મહેનત વ્યર્થ જાય છે. સોશિયલ મીડિયા પર વાયરલ થઈ રહેલો એક વીડિયો જોઈને તમે પણ ચોંકી જશો.
View this post on Instagram
તારક મહેતાના ઓફિશિયલ પેજ પર સિરિયલના આગામી એપિસોડનો વીડિયો શેર કરવામાં આવ્યો છે. જેમાં ટપ્પુ તેની મનપસંદ સોનુને લાલ ગુલાબ આપીને તેના દિલની વાત કરતો જોવા મળે છે. સોનુ જવાબ આપે તે પહેલા આત્મારામ ત્યાં આવી જાય છે અને ટપ્પુના હાથમાંથી ગુલાબ છીનવી લે છે. આત્મારામનો ગુસ્સો અહીં જ પૂરો નથી થતો પણ તે ટપ્પુની આ હરકતની ફરિયાદ લઈને સીધો જેઠાલાલ અને બાપુજી પાસે પહોંચે છે.
આત્મારામની વાત સાંભળીને બાપુજી અને જેઠાલાલ ખુદ પણ ચોંકી જાય છે અને તે ગુસ્સે થઈ જાય છે અને ટપ્પુને કહે છે કે તું અમારી સામે સોનુને ગુલાબ આપ. તેમની વચ્ચે ઘણી તુ-તુ મે-મેં ચાલે છે. જોકે, સોશિયલ મીડિયા યુઝર્સને લાગે છે કે દર વખતની જેમ આ વખતે પણ ભીડે સપનું જોતો હશે, તો વળી કેટલાક લોકોનું એવું પણ કહેવું છે કે શોની ઘટી રહેલી ટીઆરપીને જોતા મેકર્સે તેને ફરી ઉંચાઈ પર લઈ જવા આ નવો પ્લોટ લાવી રહ્યા છે.
