જાણો પહેલા સ્વદેશી ફાઈટર એરક્રાફ્ટ LCA માર્ક વનની તાકાત અને ફાયરપાવર, આ મહિને મળશે ડિલીવરી

20th March 2024 at 4:50 PM

2 minutes read

Know first the strength and firepower of indigenous fighter aircraft LCA Mark One

નવી દિલ્હીઃ લાંબો સમય રાહ જોવડાવ્યા બાદ હવે ટૂંક સમયમાં જ દેશનું પ્રથમ સ્વદેશી ફાઇટર એરક્રાફ્ટ એલસીએ માર્ક વન એરફોર્સને સોંપવામાં આવશે. વાયુસેનાને 31 માર્ચ પહેલા તેનું પ્રથમ સ્વદેશી હલકું કોમ્બેટ એરક્રાફ્ટ મળે એ માટે હિન્દુસ્તાન એરોનોટિક્સ લિમિટેડ તમામ પ્રયાસો કરી રહી છે.

રક્ષા મંત્રાલયે ફેબ્રુઆરી 2021માં હિન્દુસ્તાન એરોનોટિક્સ લિમિટેડ સાથે 48 હજાર કરોડ રૂપિયાની ડીલ પર હસ્તાક્ષર કર્યા હતા. આ ડીલ હેઠળ 83 તેજસ માર્ક-1 એરક્રાફ્ટ એરફોર્સને આપવાના હતા. આ અંતર્ગત એચએએલ હવે 31 માર્ચ સુધીમાં માર્ક વન એરફોર્સને સોંપી શકે છે. આ ફાઈટર એરક્રાફ્ટને પાકિસ્તાનની સરહદ નજીક રાજસ્થાનના બિકાનેરમાં નાલ એરબેઝ સ્ટેશન પર તૈનાત કરવાની તૈયારી કરવામાં આવી રહી છે. ભારતના આ સ્વદેશી હળવા કોમ્બેટ એરક્રાફ્ટની વિશેષતાઓ શું છે તે જાણીએ.

આ પણ વાંચો: ભારત ફ્રાન્સ પાસેથી 26 રાફેલ મરીન એરક્રાફ્ટ ખરીદશે, ટૂંક સમયમાં થઇ શકે છે ડીલ

2200 કિમી/કલાકની ઝડપ, 739 કિમીની કૉમ્બેટ રેન્જ:
માર્ક-1એ અગાઉના વેરિઅન્ટ કરતાં થોડું હળવું છે, પરંતુ તે કદમાં પણ એટલું જ મોટું છે. તે 43.4 ફૂટ લંબાઈ. 14.5 ફૂટની ઊંચાઈ ધરાવે છે. એરક્રાફ્ટ મહત્તમ 2200 કિમી પ્રતિ કલાકની ઝડપે ઉડી શકે છે. આ લડાકુ વિમાનની કોમ્બેટ રેન્જ 739 કિલોમીટર છે. જો કે, તેની ફેરી રેન્જ 3000 કિલોમીટર છે. આ એરક્રાફ્ટ 50 હજાર ફૂટની ઊંચાઈ સુધી પહોંચી શકે છે. તેમાં કુલ 9 હાર્ડ પોઈન્ટ છે. આ સિવાય 23 એમએમની ટ્વીન-બેરલ તોપ લગાવવામાં આવી છે. એરક્રાફ્ટમાં 9 અલગ અલગ રોકેટ, મિસાઈલ, બોમ્બ હાર્ડપોઈન્ટમાં ઈન્સ્ટોલ કરી શકાય છે.

એરક્રાફ્ટના અપગ્રેડેડ વર્ઝન, તેજસ Mk-1Aમાં એડવાન્સ્ડ મિશન કોમ્પ્યુટર, હાઈ પરફોર્મન્સ ક્ષમતા ડિજિટલ ફ્લાઈટ કંટ્રોલ કોમ્પ્યુટર (DFCC Mk-1A), સ્માર્ટ મલ્ટી-ફંક્શન ડિસ્પ્લે (SMFD), એડવાન્સ ઈલેક્ટ્રોનિકલી સ્કેન કરેલ એરે (AESA) રડાર જેવી સુવિધા છે. આ ફાઈટર જેટ તેજસ MK-1 જેવું જ છે, પરંતુ તેમાં કેટલીક વસ્તુઓ બદલાઈ છે. તે અત્યાધુનિક ઈલેક્ટ્રોનિક વોરફેર સ્યુટ, ઉત્તમ AESA રડાર, સેલ્ફ-પ્રોટેક્શન જામર, રડાર વોર્નિંગ રીસીવર જેવી સુવિધાથી સજ્જ છે. આ સિવાય એમાં બહારથી ECM પોડ પણ લગાવી શકાય છે.

તેજસની ઇંધણ ક્ષમતા 2458 KG છે. તેની મહત્તમ સ્પીડ અવાજની ગતિ કરતાં દોઢ ગણી વધારે એટલે કે 1980 KM પ્રતિ કલાક જેટલી છે. એરક્રાફ્ટ 53 હજાર કિમીની મહત્તમ ઊંચાઈ સુધી પહોંચી શકે છે. એલસીએ તેજસની કોકપીટ કાચની બનેલી છે, તેથી પાઈલટને ચારેબાજુ જોવાનું સરળ બને છે. તેજસ એક નાનું અને મલ્ટી-રોલ સુપરસોનિક ફાઇટર એરક્રાફ્ટ છે, જે વિશ્વભરના અન્ય વિમાનો કરતાં સસ્તું છે. તેમાં ક્વાડ્રુપ્લેક્સ ફ્લાય બાય વાયર ફ્લાઇટ કંટ્રોલ સિસ્ટમ છે. તેમાં એર-ટુ-સર્ફેસ મિસાઇલો Kh-59ME, Kh-59L, Kh-59T, AASM-Hammer લગાવવામાં આવ્યા છે. BrahMos-NG ALCM લગાવવાની પણ યોજના છે. એરક્રાફ્ટમાં એવા એવા હાઇટેક શસ્ત્રો લગાવવામાં આવ્યા છે કે તેજસ સામે દુશ્મન ટકી નહીં શકે એ તો નક્કી જ છે.