આ દેશના રાષ્ટ્રપતિ કોવિડ પોઝિટિવ આવતા G20 સમિટમાં ભાગ લઈ શકશે નહીં…
નવી દિલ્હી: સ્પેનના રાષ્ટ્રપતિ પેડ્રો સાંચેઝના કોવિડ ટેસ્ટનું પરિણામ પોઝિટિવ આવ્યું છે. તે નવી દિલ્હીમાં G20 સમિટમાં ભાગ લઈ શકશે નહીં. પ્રમુખ સાંચેઝે કહ્યું હતું કે તેમની તબિયત હાલ સ્થિર છે, તેમણે જણાવ્યું હતું કે G20 સમિટમાં સ્પેનનું પ્રતિનિધિત્વ ફર્સ્ટ વાઈસ પ્રેસિડેન્ટ નાદિયા કેલ્વિનો સેન્ટામરિયા અને વિદેશ પ્રધાન જોસ મેન્યુઅલ આલ્બેરેસ કરશે.
રાષ્ટ્રીય રાજધાની દિલ્હીમાં 9-10 સપ્ટેમ્બરે યોજાનારી G20 સમિટ માટે વિદેશી મહેમાનોનું આગમન શરૂ થઈ ગયું છે. આ સંમેલનમાં 19 દેશોના રાષ્ટ્રપતિઓ અને સરકારના વડાઓ ભાગ લેશે. આ સિવાય યુરોપિયન યુનિયન પણ આ કોન્ફરન્સમાં ભાગ લેશે. G20 સભ્ય દેશો ઉપરાંત 9 અન્ય દેશોના રાષ્ટ્રાધ્યક્ષો આ બેઠકમાં અતિથિ દેશો તરીકે ભાગ લેશે.
એશિયન નાણાકીય કટોકટી પછી 1999 માં વિશ્વના 20 મોટા દેશોએ એક આર્થિક જૂથની રચના કરી, જે G20 તરીકે ઓળખાય છે. આ જૂથ હાલમાં વૈશ્વિક ગ્રોસ ડોમેસ્ટિક પ્રોડક્ટ (જીડીપી)ના 80 ટકા અને આંતરરાષ્ટ્રીય વેપારમાં 75 ટકા હિસ્સો ધરાવે છે. અત્યાર સુધીમાં કુલ 17 G20 બેઠકોનું આયોજન કરવામાં આવ્યું છે. આ 18મી G20 સમિટ નવી દિલ્હીમાં યોજાવા જઈ રહી છે.
આ મેગા જિયો-પોલિટિકલ ઇવેન્ટ દરમિયાન યોગ્ય સુરક્ષા સુનિશ્ચિત કરવા માટે, દિલ્હી પોલીસે 7મી સપ્ટેમ્બરની મધ્યરાત્રિથી શરૂ કરીને 10મી સપ્ટેમ્બરની મધ્યરાત્રિ સુધી ટ્રાફિકની હિલચાલ પર અનેક નિયંત્રણો જારી કર્યા છે. આજે રાત્રે 9 વાગ્યાથી રવિવાર મધ્યરાત્રિ સુધી ભારે, મધ્યમ અને હળવા માલસામાનના વાહનોને દિલ્હીમાં પ્રવેશવાની મંજૂરી આપવામાં આવશે નહિ. દિલ્હી સરકાર દ્વારા જારી કરવામાં આવેલા નોટિફિકેશન મુજબ, 8 સપ્ટેમ્બરના રોજ સવારે 5:00 વાગ્યાથી 10 સપ્ટેમ્બરના રોજ રાત્રે 11:59 વાગ્યા સુધી દિલ્હીને ‘નિયંત્રિત વિસ્તાર’ તરીકે જાહેર કરવામાં આવી છે
G20 સમિટના 20 સભ્ય દેશો – આર્જેન્ટિના, ઓસ્ટ્રેલિયા, બ્રાઝિલ, કેનેડા, ચીન, ફ્રાન્સ, જર્મની, ભારત, ઇન્ડોનેશિયા, ઇટાલી, જાપાન, મેક્સિકો, કોરિયા રિપબ્લિક, રશિયા, સાઉદી અરેબિયા, દક્ષિણ આફ્રિકા, તુર્કી, યુકે, યુએસએ અને યુરોપિયન યુનિયનો છે. આ સમિટમાં બાંગ્લાદેશ, ઈજીપ્ત, મોરેશિયસ, નેધરલેન્ડ, નાઈજીરીયા, ઓમાન, સિંગાપોર, સ્પેન અને યુએઈ આમંત્રિત મહેમાનો તરીકે ભાગ લઈ રહ્યા છે.
