ડૉકટર પિતાની હત્યા પુત્રએ કરી? અમદાવાદમાં માતાએ કરી પોલીસ ફરિયાદ

અમદાવાદઃ ગુજરાતમાં ક્રાઈમની ઘટનાઓ વધી રહી છે, તેના તાજા બે દાખલાઓ છે. અમદવાદમાં બે દિવસ પહેલા વાડજમાં માત્ર રૂપિયા ના આપ્યા હોવાનો ખાર રાખીને પુત્રએ પિતાની હત્યા કરી હતી. હવે ફરી અમદાવાદમાં પિતાની હત્યા થઈ હોવાનું પ્રકાશમાં આવ્યું છે. અમદાવાદના સેટેલાઇટ વિસ્તારમાં 29 વર્ષીય પુત્રએ તેના પિતાની હત્યા કરી દીધી છે. સેટેલાઈટના વૈભવ ટાવરમાં રહેતા નિવૃત ડૉક્ટર પિતાની હત્યા ખુદ પુત્રએ કરી છે. પુત્ર વરૂણ ઉર્ફે રોની રાત્રે ધારદાર હથિયાર વડે પિતાની હત્યા કરીને ફરાર થઈ ગયો હતો. પોલીસ અત્યારે આરોપીને ઝડપી પાડવાની કાર્યવાહી કરી રહી છે.

વૈભવ રાવરમાં રહેતા નિવૃત ડૉક્ટર પિતાની પુત્રએ કરી હત્યા

સૂત્રો દ્વારા એવું જાણવા મળ્યું છે કે, વરૂણ છેલ્લા 7 વર્ષ પરિવારથી અલગ એકલો રૂમમાં જ રહેતો હતો. એટલું જ નહીં પરંતુ ખાવા પીવાની બાબતોમાં પરિવારના લોકો સાથે ઝઘડો પણ કરતો હતો. દર મહિને પિતા પાસેથી રૂપિયા લઈ લેતો અને પછી ઓનલાઈન જમાવાનું મંગાવતો હતો. ડૉક્ટર નરેશભાઈ ઓફિસથી ઘરે આવ્યાં ત્યારે દરવાજો અંદરથી બંધ હતો. વારંવાર ડોરબેલ વગાડવા છતાં પણ પુત્રએ દરવાજો ખોલ્યો નહતો. જેથી નરેશભાઈએ મિસ્ત્રીને બોલાવીને લોક તોડાવ્યો હતો. બાદમાં વરૂણે તેની હત્યા કરી હોવાની શંકા છે.

પુત્રએ જ પિતાની હત્યા કરી હોવાની આશંકા

પરિવારજનોએ જણાવ્યું કે, નરેશભાઈ તેમના બીજા ઘરે એટલે કે જ્યા પત્ની અને પુત્રી રહેતા હતા ત્યાં ન જતા પત્નીએ ફોન કર્યો પરંતુ ઉપાડ્યો નહોતો. જેથી પત્ની આ વૈભવ ટાવરમાં આવી હતી. પરંતુ અહીં આવીને જોયું તો નરેશભાઈ લોહીલુહાણ હાલતમાં પડ્યાં હતા. આખા ઘરમાં લોહીના દાઘ હતા અને પુત્રે ઘરમાંથી ફરાર હતો. પત્નીએ 108 બોલાવીને નરેશભાઈને હોસ્પિટલ પહોંચાડ્યાં હતા પરંતુ ત્યાં ડૉક્ટરે નરેશભાઈને મૃત જાહેર કર્યાં હતા.

વરૂન ઉર્ફે રોની રાત્રે એક દોઢ વાગ્યે ફ્લેટમાંથી નીકળતો દેખાયો

નરેશભાઈની પત્ની અને પુત્રીએ વરૂણ સામે હત્યાનો ગુનો નોંધાવ્યો છે. પોલીસને પણ પ્રાથમિક તપાસથી પુત્ર પર શંકા થઈ રહી છે. તેના વર્તન અને વ્યવહારના આધારે આવું કર્યું હોવાનું અનુમાન છે. જો કે, અત્યારે પોલીસે આ કેસમાં હત્યાની ફરિયાદ નોંધીને આરોપીને શોધવા માટે ચક્રો ગતિમાન કર્યાં છે. પરિવારના જણાવ્યાં પ્રમાણે 29 વર્ષીય પુત્ર વરૂને જ પિતાની હત્યા કરી હોવાની પ્રબળ શક્યતા છે. કારણ કે, પોલીસે ફ્લેટના સીસીટીવી તપાસ કરતા વરૂન ઉર્ફે રોની રાત્રે એક દોઢ વાગ્યે ફ્લેટમાંથી નીકળતો દેખાયો હતો. જેથી તેની શોધખોળ શરૂ કરી દેવામાં આવી છે.

આ પણ વાંચો…અમદાવાદમાં માત્ર રૂપિયા માટે દીકરાએ પિતાનું ઢીમ ઢાળ્યું, બચાવવા આવેલ બહેનને પણ છરીના ઘા માર્યા