લખનૌ: ઉત્તર પ્રદેશના લખનૌમાં એલપીજી સિલિન્ડર બ્લાસ્ટમાં(LPG Cylinder Blast) છ લોકો ગંભીર રીતે ઘાયલ થયા છે. પોલીસ અધિકારીએ જણાવ્યું હતું કે ગેરકાયદે સિલિન્ડર રિફિલિંગ સાઇટ પર ગેસ સિલિન્ડર વિસ્ફોટમાં બે બાળકો સહિત છ લોકો ઘાયલ થયા હતા. ઘાયલોને લખનૌના ટ્રોમા સેન્ટરમાં લઈ જવામાં આવ્યા હતા.
મોટી દુર્ઘટના ટળી
પોલીસના જણાવ્યા અનુસાર, ફાયર સ્ટેશનને લખનૌના દુબગ્ગા વિસ્તારમાં વિસ્ફોટની માહિતી મળી હતી જેમાં ચાર લોકો ઘાયલ થયા હતા અને પડોશના બે બાળકો પણ ઘાયલ થયા હતા. ડેપ્યુટી કમિશનર ઓફ પોલીસ (ડીસીપી) પશ્ચિમ ઓમવીર સિંહે જણાવ્યું હતું કે ઘટના સ્થળેથી મળી આવેલા સિલિન્ડરોની સંખ્યાને ધ્યાનમાં લેતા મોટી ઘટના બનવાની સંભાવના હતી.
આ ઘટના શુક્રવારે સાંજે બની હતી
DCP પશ્ચિમ ઓમવીર સિંહે કહ્યું કે અમને ને 112 દ્વારા માહિતી મળી કે શુક્રવારે સાંજે લગભગ 6:30 વાગ્યે દુબગ્ગા વિસ્તારમાં વિસ્ફોટ થયો હતો. સ્ટેશન ઈન્ચાર્જ તાત્કાલિક ઘટનાસ્થળે પહોંચી ગયા હતા. ડીસીપીએ કહ્યું કે આરોપી વિરુદ્ધ કેસ નોંધવામાં આવ્યો છે. આ મામલે વધુ તપાસ કરવામાં આવી રહી છે.
96 ગેરકાયદે સિલિન્ડર મળી આવ્યા
ડીસીપીએ કહ્યું કે સ્થળ પર તપાસ કર્યા બાદ જાણવા મળ્યું કે સિલિન્ડર રિફિલિંગ ગેરકાયદેસર રીતે કરવામાં આવી રહ્યું છે. અમને અહીં 96 સિલિન્ડર મળ્યા છે. કામ ગેરકાયદે થઈ રહ્યું હોવાથી કોઈક પ્રકારનું લીકેજ થયું હશે. ગેસ લીક થવાથી વિસ્ફોટ થયો હતો. સદભાગ્યે અન્ય કોઈ સિલિન્ડર વિસ્ફોટ થયો નથી.
આ પણ વાંચો…રતલામના વાયરલ વિડીયો પર ઓવૈસીએ કહ્યું “યુવકમાં ભાજપના નેતા બનવાના તમામ ગુણ”
આરોપીઓ સામે ગુનો નોંધી તપાસ શરૂ
ડીસીપી ઓમવીર સિંહે કહ્યું કે એસીપી અને ઈન્સ્પેક્ટર ઈજાગ્રસ્તોની સારવાર પર નજર રાખવા માટે ટ્રોમા સેન્ટરમાં છે. જેમાં એક વ્યક્તિની હાલત ગંભીર છે. આરોપીઓ સામે ગુનો નોંધી તપાસ હાથ ધરી છે.
