નવી દિલ્હીઃ હવામાન વિભાગ દ્વારા આગામી 48 કલાકમાં અનેક રાજ્યોમાં વરસાદ અને બરફવર્ષાનું એલર્ટ આપવામાં આવ્યું છે. હિમાચલ પ્રદેશમાં બરફવર્ષા થઈ છે. જેના કારણે પ્રવાસીઓ ખુશખુશાલ થઈ ગયા છે. મંડી, કાંગડા, કુલ્લુ અને ચંબામાં બરફવર્ષાનું ઓરેન્જ એલર્ટ આપવામાં આવ્યું છે. જ્યારે લાહોલ-સ્પીતિમાં ભારે હિમવર્ષા અને શિમલા જિલ્લામાં ભારે વરસાદ અને હિમવર્ષાનું યલો એલર્ટ આપવામાં આવ્યું છે. હવામાન વિભાગે ઉના અને હમીરપુર જિલ્લામાં પણ ભારે વરસાદની સંભાવના વ્યક્ત કરી છે.
હિમાચલ ઉપરાંત આ રાજ્યોમાં બરફવર્ષાની સંભાવના
આજે હિમાચલ પ્રદેશ ઉપરાંત જમ્મુ-કાશ્મીર, લદ્દાખ, ઉત્તરાખંડમાં છૂટાછવાયા સ્થળોએ ભારે વરસાદ અને બરફવર્ષાની સંભાવના છે. ઉપરાંત દિલ્હી, રાજસ્થાન, પશ્ચિમ ઉત્તર પ્રદેશ, પંજાબ અને હરિયાણામાં હળવો વરસાદ પડી શકે છે.
#WATCH | Himachal Pradesh | Lahaul and Spiti are covered in a thick blanket of snow as the area receives a fresh spell of heavy snowfall. pic.twitter.com/PuLyJLZFFr
— ANI (@ANI) February 28, 2025
હવામાન વિભાગે જણાવ્યું હતું કે આગામી 24 કલાક દરમિયાન અરુણાચલ પ્રદેશમાં હળવોથી મધ્યમ વરસાદ અને બરફવર્ષા સાથે વાવાઝોડાની શક્યતા છે. 28 ફેબ્રુઆરીના રોજ ઉપ-હિમાલયી પશ્ચિમ બંગાળ અને સિક્કિમમાં વાવાઝોડું આવી શકે છે. 28 ફેબ્રુઆરી અને 1 માર્ચના રોજ આસામ અને મેઘાલયમાં ૩૦-૪૦ કિમી પ્રતિ કલાકની ઝડપે પવન ફૂંકાશે.
Thunderstorm with Lightning, Hail and Gusty winds (30-40 kmph) likely over Haryana and West Uttar Pradesh and with heavy rainfall (upto 12 cm) over Uttarakhand and Punjab and with very heavy rainfall (upto 20cm) over Himachal Pradesh upto early morning hours of 01st March 2025.… pic.twitter.com/7CNWVLk90d
— India Meteorological Department (@Indiametdept) February 27, 2025
ગુજરાત-મહારાષ્ટ્રમાં કેવું રહેશે હવામાન
મહારાષ્ટ્ર, ગુજરાત, કોંકણ અને ગોવાના વિવિધ વિસ્તારોમાં ગરમીની અસર અનુભવાઈ રહી છે. આગામી 24 કલાક દરમિયાન અહીં ખૂબ જ ગરમી રહેશે. આગામી 2 દિવસ દરમિયાન ઉત્તરપશ્ચિમ ભારતમાં લઘુત્તમ તાપમાનમાં કોઈ ખાસ ફેરફાર થશે નહીં અને ત્યારબાદ તે ધીમે ધીમે 2-4 ડિગ્રી સુધી તાપમાન ઘટશે.
