સાઉથનો સુપરસ્ટાર કિચ્ચા સુદીપ તેના જોરદાર અભિનય માટે જાણીતો છે. દક્ષિણના આ અભિનેતાના ચાહકોની કોઈ કમી નથી. દરમિયાન સુપરસ્ટાર કિચ્ચાના એક ઉમદા કાર્યે ફરી એકવાર તેના ચાહકોનું દિલ જીતી લીધું છે. સુપરસ્ટારે પુણ્યકોટી દત્તુ યોજના હેઠળ કર્ણાટકના દરેક જિલ્લામાંથી એક એમ 31 ગાયો દત્તક લેવાનો નિર્ણય કર્યો છે. આ સમાચાર સાંભળ્યા બાદ અભિનેતાના ચાહકો પોતાની ખુશીને રોકી શક્યા નથી.
પુણ્યકોટી દત્તુ યોજના યોજનાનો ઉદ્દેશ્ય જનતાના સહકારથી ગૌશાળાઓને આર્થિક રીતે સક્ષમ બનાવવાનો છે. કિચ્ચા સુદીપે ગુરુવારે પશુપાલન મંત્રી પ્રભુ બી. ચૌહાણના નિવાસસ્થાને ‘ગૌ પૂજા’ કરી હતી અને રાજ્ય સરકાર દ્વારા ગાયોના રક્ષણ માટે કરવામાં આવેલા અનુકરણીય કાર્યની પણ પ્રશંસા કરી હતી. આ યોજના વિશે વાત કરતા સુદીપે કહ્યું, “સરકારે મને પુણ્યકોટી દત્તુ યોજનાના એમ્બેસેડર તરીકે નિયુક્ત કરીને મારી જવાબદારી વધારી છે. મારી નિમણૂક કરવા બદલ હું મુખ્ય પ્રધાન બસવરાજ બોમાઈ અને પ્રધાન પ્રભુ ચવ્હાણનો આભાર માનું છું.”
ಪುಣ್ಯಕೋಟಿ ರಾಯಭಾರಿಯಾಗಲು ಹೆಮ್ಮೆಪಡುತ್ತೇನೆ. ಜಿಲ್ಲೆಗೊಂದು ಗೋವಿನಂತೆ 31 ಗೋವುಗಳನ್ನು ದತ್ತು ಪಡೆಯುತ್ತಿದ್ದೇನೆ. ಈ ಗೌರವ ಮತ್ತು ಅವಕಾಶ ನೀಡಿದ ಕರ್ನಾಟಕ ಸರ್ಕಾರಕ್ಕೆ ಮತ್ತು ಸಚಿವರಾದ ಪ್ರಭು ಚೌವ್ಹಾಣ್ ಅವರಿಗೆ ಹೃದಯಪೂರ್ವಕ ಧನ್ಯವಾದಗಳು.🙏🏼 pic.twitter.com/fBK3mj9euM
— Kichcha Sudeepa (@KicchaSudeep) November 25, 2022
તેમણે સામાન્ય લોકો અને ફિલ્મ ઈન્ડસ્ટ્રીના કલાકારોને પણ ગાયો દત્તક લેવા જણાવ્યું હતું.
આ વર્ષની શરૂઆતમાં મુખ્ય પ્રધાન બસવરાજ બોમાઈએ તેમના જન્મદિવસ પર 11 ગાયો દત્તક લીધી હતી અને તેમની ગાય દત્તક યોજના ‘ પુણ્યકોટી ‘ શરૂ કરી હતી. તેમના મંત્રી પ્રભુ ચવ્હાણે જાહેરાત કરી હતી કે તેમણે પણ દરેક જિલ્લા માટે એક એમ 31 ગાયો દત્તક લીધી છે, ત્યારે સુદીપે મંત્રીને કહ્યું કે તેઓ પણ તેમની જેમ ગાયો દત્તક લેશે.
ગૌહત્યા નિષેધ અધિનિયમ લાગુ થયા બાદ કર્ણાટક રાજ્યમાં 100 થી વધુ ગૌશાળાઓની સ્થાપના કરવામાં આવી રહી છે. પુણ્યકોટી દત્તક યોજના લાગુ કરનાર આ દેશનું પ્રથમ રાજ્ય છે. મંત્રીએ કહ્યું કે પશુ કલ્યાણ બોર્ડ, એનિમલ હેલ્પલાઇન સેન્ટર, એનિમલ સંજીવની એમ્બ્યુલન્સ, ગોમાતા કોઓપરેટિવ સોસાયટી, આત્મા નિર્ભર ગૌશાળા સહિત અનેક કાર્યક્રમો અમલમાં મૂકવામાં આવ્યા છે. પશુ દત્તક યોજના હેઠળ દર વર્ષે પ્રત્યેક ગાયની જાળવણીના ખર્ચ માટે 11,000 રૂપિયા આપવામાં આવશે.
