ગ્રહ સંકેત -વિનોદ રાવલ
આ સપ્તાહના ગ્રહયોગો અને ખગોલીક સ્થિતિ :- આ સપ્તાહની શરૂઆતમાં બુધ અને હર્ષલનો ત્રિકોણયોગ બને છે. સાથે એ જ દિવસે શુક્ર અને મંગળનો પણ કેન્દ્રયોગ બને છે. શુક્ર અને રાહુ કેન્દ્રયોગમાં છે. આ સપ્તાહના અંતમાં બુધ અને રાહુ પણ ત્રિકોણયોગમાં છે. આ સપ્તાહમાં બુધ ઉદય થઈ ને માર્ગી થશે. આ સપ્તાહમાં મંગળ માર્ગી થાય છે.
આ ગ્રહયોગો બજારને કઈ દિશા આપશે તે જોઈએ…
શૅરબજાર:- આ સપ્તાહમાં શૅરબજારમાં શરૂઆત સામાન્ય નરમાઈથી થઈ શકે છે. બજારમાં વેચીને વેપાર કરતાં જવો હિતાવહ છે. સપ્તાહની શરૂઆતમાં વેચાણ દરેક ભાવે કરી શકાય. સપ્તાહની શરૂઆત મધ્યના દિવસોમાં નફારૂપી લેવાલી આવતાં બજારમાં સારો તેજીનો ઉછાળો જોવા મળી શકે છે. પણ ધ્યાન નરમ રાખીને વેચીને વેપાર ગોઠવવો લાભદાયી છે.
નફો બુક કરતાં જવો. સપ્તાહના અંતિમ દિવસોમાં પણ બજારની ચાલ બેતરફી રહે પણ ઊંચા મથાળે વેચીને વેપાર ગોઠવવો લાભદાયી રહે. આ સપ્તાહમાં દરેક ઉછાળે વેચીને વેપાર કરવાથી લાભ મળી શકે છે. સપ્તાહના અંતમાં નિફટી, સેન્સેક્સમાં નરમાઈ જોવા મળે. આ સપ્તાહમાં ઓટો, રિલાયન્સ, બૅંક, ફાયનાન્સ, સેક્ટરમાં વધઘટ જોવા મળી શકે.
સોના-ચાંદી:- આ સપ્તાહમાં ચાંદીમાં વેચવાલી આવી શકે છે. સોના અને ચાંદી વાયદા અને હાજરમાં આ સપ્તાહના શરૂઆતના દિવસથી જ બજારમાં વેચીને વેપાર ગોઠવવાથી લાભ મળી શકે છે. ખાસ ચાંદીમાં વેચીને વેપાર કરવો લાભદાયી રહે. સપ્તાહના શરૂઆતના દિવસોમાં અને મધ્યના દિવસોમાં બજારમાં વેચવાલી આવી શકે છે. સપ્તાહની મધ્યમાં નફારૂપી લેવાલી આવતા ભાવમાં સામાન્ય મજબૂતાઈ જોવા મળે. નફો બુક કરતાં જવો. બજારમાં નરમ ધ્યાન રાખીને વેપાર કરવો. પણ વધઘટ બન્ને સાઈડ આવી શકે છે માટે નફો બુક કરતાં જવો. આ સપ્તાહમાં દરેક ઉંચા ભાવે વેચીને વેપાર કરવો લાભદાયી થઈ શકે છે. સપ્તાહનાં અંતિમ દિવસોમાં સોના ચાંદી બજારમાં નરમ ભાવ જોવા મળે. એક કે બે દિવસ ઝડપી વેચવાલી આવતાં સારા નરમાઈ ભાવ જોવા મળે.
ક્રૂડ ઓઈલ:- ક્રૂડ ઓઈલમાં મજબૂત ભાવ જોવા મળે. આ સપ્તાહમાં ક્રૂડ ઓઈલમાં ભાવમાં મજબૂતાઈ બતાવી શકે છે. ક્રૂડ ઓઈલમાં શરૂઆતના દિવસથી સ્ટોક કરીને તેજીનો વેપાર ગોઠવવો. આ સપ્તાહના શરૂઆતના દિવસોમાં સ્ટોક કરી ને તેજીનો વેપાર ગોઠવતાં જવો. સપ્તાહની મધ્યના દિવસમાં બજાર બેતરફી ચાલબતાવી શકે છે. આ સપ્તાહમાં શરૂઆતના દિવસોથી મજબૂત ધ્યાન રાખીને વેપાર કરવો. સપ્તાહના અંતિમ દિવસો સુધી તેજીનો વેપાર રાખી શકાય. સપ્તાહના અંતિમ દિવસોમાં નવી લેવાલી આવતાં બજાર મજબૂત રહી શકે છે. આ સપ્તાહમાં ક્રૂડ ઓઈલમાં મજબૂત ભાવ રહી શકે છે.
કોમોડિટી:- કોમોડિટી બજારની શરૂઆત મજબૂત ભાવથી થાય. એરંડો, જીરું, સિંગતેલ તેલ, કપાસિયા તેલ, તેલીબિયાં અને દિવેલમાં સપ્તાહની શરૂઆત મજબૂત ભાવથી થાય. સપ્તાહની શરૂઆતના દિવસથી જ તેજી ધ્યાન રાખીને વેપાર ગોઠવતાં જવો. આ સપ્તાહમાં તેલ તેલીબિયાં, કપાસિયાં, એરંડા, દિવેલ, તેલમાં તેજી ધ્યાન રાખીને વેપાર દરેક ભાવે કરવો. સપ્તાહના મધ્યના દિવસો સુધી સ્ટોક કરતાં જવું લાભદાયી રહે. આ દિવસોમાં એકાદ દિવસ બજારમાં સામાન્ય નરમાઈ અથવા સાંકડી વધઘટ જોવા મળે. પણ મંદીનો વેપાર કરવો નહીં. કપાસિયા, એરંડા અને દિવેલ, તેલમાં આ સપ્તાહમાં નવી લેવાલી આવતા હાજર અને વાયદામાં મજબૂતાઈ જોવા મળે.
