હાલમાં સ્માર્ટફોન યુઝર્સની સંખ્યા ઝડપથી વધી રહી છે. આ સાથે સાયબર ખતરો પણ વધી રહ્યો છે. હવે મોબાઈલમાં કેટલીક એપ્સ દ્વારા સાયબર ક્રાઈમ વધી રહ્યો છે. આ ગુનેગારો તમારા મોબાઈલ ડેટાને હેક કરી શકે છે અને તેનો દુરુપયોગ કરી શકે છે. આ મોબાઈલ ડેટા હેક કરવા માટે અનેક યુક્તિઓ અપનાવવામાં આવે છે. પ્લે સ્ટોર પર હાલમાં ઉપલબ્ધ એન્ડ્રોઇડ એપ્સ દ્વારા વાયરસ ઇન્જેક્ટ કરવામાં આવે છે. જેના કારણે તમારા મોબાઈલમાં હાજર ડેટા ચોરાઈ શકે છે. આ ચોરાયેલા ડેટાના આધારે, સાયબર ગુનેગારો ગુના આચરે છે.
આ વાતને ધ્યાનમાં રાખીને પ્લે સ્ટોરે અત્યાર સુધીમાં ઘણી એપ્સને તેના પ્લેટફોર્મ પરથી હટાવી દીધી છે. માલવેર ફોક્સના એક રિપોર્ટ અનુસાર સાયબર ગુનેગારો છેલ્લા 10 વર્ષથી એન્ડ્રોઈડ મોબાઈલ ફોનને નિશાન બનાવી રહ્યા છે. આ એટલા માટે છે કારણ કે તે બધા ઓપન સોર્સ પ્રોગ્રામ્સ છે અને સરળતાથી સુધારી શકાય છે.
સાયબર ગુનેગારો એન્ડ્રોઇડ એપ્સમાં એડવેર, ટ્રોજન, સ્પાયવેર અને કીલોગર્સ જેવા માલવેર પ્રોગ્રામ્સ ઇન્સ્ટોલ કરે છે અને લોકોની માહિતી ચોરી કરે છે. સાયબર ગુનેગારો ગુગલ પ્લે સ્ટોર પર ઉપલબ્ધ એપ્સમાં કેટલાક મેલિશિયસ કોડ નાખીને તેમાં ફેરફાર કરે છે અને એન્ડ્રોઇડ યુઝર્સ તેના પર ધ્યાન આપતા નથી. એપ ડાઉનલોડ કર્યા પછી, ધીમે ધીમે ડેટા લીક થાય છે. આ રિપોર્ટ અનુસાર, એન્ડ્રોઈડ યુઝર્સને તેમના મોબાઈલ ફોનમાંથી 19 એપ્સ ડિલીટ કરવાનું પણ કહેવામાં આવ્યું છે. તો જો તમારા મોબાઈલમાં આ 19 એપ્સ ઈન્સ્ટોલ છે, તો તેને હવે તમારા મોબાઈલમાંથી કાઢી નાખો. મોબાઈલમાંથી આ 19 એપ્સ ઝડપથી ડિલીટ કરો
1. ફેર ગેમહબ અને બોક્સ
2. હોપ કેમેરા-પિક્ચર રેકોર્ડ
3. સેમ લૉન્ચર અને લાઇવ વૉલપેપર
4. અમેઝિંગ વૉલપેપર
5. કૂલ ઇમોજી એડિટર અને સ્ટીકર
6. સિમ્પલ નોટ સ્કેનર
7. યુનિવર્સલ પીડીએફ સ્કેનર
8. પ્રાઇવેટ મેસેન્જર
9. પ્રીમિયમ એસએમએસ
10 .બ્લડ પ્રેશર ચેકર
11. કૂલ કીબોર્ડ
12. પેઇન્ટ આર્ટ
13. કલર મેસેજ
14. વ્લોગ સ્ટાર વિડિયો એડિટર
15. ક્રિએટિવ 3D લૉન્ચર
16. વાહ બ્યૂટી કૅમેરા 18. Gif ઇમોજી કીબોર
17. ઇન્સ્ટન્ટ હાર્ટ રેટ અને ડેલિક મેસેન્જર
એપ ડાઉનલોડ કરતા પહેલા આટલુ ધ્યાનમાં રાખો: હંમેશા ઓફિશિયલ પ્લે સ્ટોર પરથી મોબાઈલ એપ્સ ડાઉનલોડ કરો. આ સિવાય કોઈપણ એપને ડાઉનલોડ કરતા પહેલા એપ વિશેની સંપૂર્ણ માહિતી વાંચો અને જ્યારે તે સુરક્ષિત હોય ત્યારે જ ડાઉનલોડ કરો. એપ રિવ્યુથી તમે સમજી શકશો કે જો કોઈની સાથે સાયબર ફ્રોડ જેવી ખરાબ ઘટના બની છે, તો તમને આવા યુઝર્સની પ્રતિક્રિયાઓ વાંચવા મળશે. તમને અગાઉથી જાણ થઈ જશે અને તમે છેતરપિંડીની જાળમાં ફસાવાથી સુરક્ષિત રહેશો.
