આધાર કાર્ડ ફક્ત તમારું ઓળખ પત્ર નથી પણ તેના ઘણા ફાયદા છે. આજે અમે તમને એવા જ એક ફાયદા વિશે જણાવી રહ્યા છીએ. તમને કદાચ ખબર નહીં હોય, પરંતુ તમે તમારા આધાર કાર્ડનો ઉપયોગ ATM કાર્ડ તરીકે પણ કરી શકો છો. તમારા આધાર કાર્ડની મદદથી તમે ઉપાડ, જમા, બેલેન્સ ચેક કરવા જેવી વસ્તુઓ પણ કરી શકો છો. BHIM યુઝર્સ આધાર નંબરની મદદથી પૈસાની લેવડદેવડ પણ કરી શકે છે. ડિજિટલ ટ્રાન્ઝેક્શનને પ્રોત્સાહન આપવા માટે આધારની મદદથી પૈસાની લેવડદેવડ સરળ બની ગઇ છે.
આધારથી મની ટ્રાન્સફરઃ-
જો તમે તમારા આધારની મદદથી પૈસા ટ્રાન્સફર કરવા માંગો છો, તો તમારે માત્ર થોડા સ્ટેપ્સ ફોલો કરવાની જરૂર છે. નેશનલ પેમેન્ટ્સ કોર્પોરેશન ઓફ ઈન્ડિયા (NPCI) એ આધાર સાથે આ સુવિધા વિકસાવી છે. જેમાં તમને Aadhaar Enabled Payment System (AePS)ની સુવિધા આપવામાં આવે છે. આ સિસ્ટમની મદદથી તમે તમારો આધાર નંબર એન્ટર કરીને ડિજિટલ ટ્રાન્ઝેક્શન કરી શકો છો. જોકે, આમાં તમારે ફિંગરપ્રિન્ટથી વેરિફિકેશન કરવું પડશે. આ પેમેન્ટ ફીચર ખૂબ જ સુરક્ષિત છે. તેને તમારી બેંક વિગતોની જરૂર નથી.
આ સુવિધા મેળવવા માટે તમારે તમારા બેંક એકાઉન્ટને આધાર સાથે લિંક કરવાની જરૂર છે. તેના વિના તમે આ સુવિધા મેળવી શકશો નહીં. આ ટ્રાન્ઝેક્શન પ્રક્રિયામાં તમારે OTP અથવા PIN દાખલ કરવાની જરૂર નથી. જો તમે ઇચ્છો તો તમે એક આધાર કાર્ડને અનેક બેંક ખાતાઓ સાથે લિંક કરી શકો છો. AePS સિસ્ટમની મદદથી તમે સરળતાથી પૈસા ઉપાડી શકો છો, જમા કરી શકો છો, ટ્રાન્સફર કરી શકો છો. એટલે કે તમે બેંકમાં ગયા વગર બેંકિંગ સેવાનો લાભ લઈ શકો છો.
તમે આધાર કાર્ડ સાથે ઉપલબ્ધ AePS સુવિધાની મદદથી સરળતાથી પૈસાની લેવડદેવડ કરી શકો છો. કોઈને પણ પૈસા મોકલી શકે છે. તમે બેંક ખાતામાં પૈસા જમા કરાવી શકો છો. તમે મિની સ્ટેટમેન્ટ ચેક કરી શકો છો.
તમે નજીકની બેંક શાખાની મુલાકાત લઈને આ સેવાનો લાભ લઈ શકો છો. તમે બેંકમાં ફોન કરીને આ સેવાનો લાભ લઈ શકો છો. આ ઉપરાંત, તમને કોમન સર્વિસ સેન્ટર (CSC) ઓપરેટર્સ સાથે આધાર ટ્રાન્ઝેક્શનની સુવિધા પણ મળશે. આ સેવાનો લાભ લેવા માટે, તમારે તમારા વિસ્તારમાં બેંકિંગ CSC કેન્દ્રની મુલાકાત લેવી પડશે. આ પછી તમારે OPS મશીનમાં તમારો આધાર નંબર નાખવો પડશે.
તમને જોઈતી બેંકિંગ સેવા પસંદ કરો જેમ કે રોકડ ઉપાડ, KYC અથવા બેલેન્સ ચેક. જો તમે રોકડ ઉપાડવા માંગતા હો, તો રકમ અને બેંકનું નામ દાખલ કરો. બાયોમેટ્રિક વેરિફિકેશન પછી તમારો વ્યવહાર પૂર્ણ થશે.
