ટ્વિટરના નવા માલિક એલોન મસ્કે શુક્રવારે જાહેરાત કરી હતી કે તેઓ શુક્રવાર, 2 ડિસેમ્બરે ‘વેરિફાઈડ’ નામનું તેમનું વેરિફિકેશન ફીચર લોન્ચ કરશે. તેમણે કહ્યું કે કંપનીઓ માટે ગોલ્ડ ટિક, સરકાર માટે ગ્રે ટિક અને વ્યક્તિઓ માટે બ્લુ ટિકની સુવિધા તૈયાર કરવામાં આવી છે. આ ટિક સક્રિય થાય તે પહેલાં બધા વેરિફાઈડ એકાઉન્ટ્સ મેન્યુઅલી પ્રમાણિત કરવામાં આવશે.
એલોન મસ્કે કહ્યું કે વિલંબ બદલ માફ કરશો. અમે આગામી અઠવાડિયે એટલે કે શુક્રવાર 2જી ડિસેમ્બરના રોજ વેરિફાઈડ ફીચર લોન્ચ કરી રહ્યા છીએ. ઉલ્લેખનીય છે કે કંપનીએ નકલી એકાઉન્ટ્સને કારણે તાજેતરમાં જાહેર કરેલી તેની $ 8ની બ્લુ ટિક સબ્સ્ક્રિપ્શન સેવા બંધ કરી દીધી હતી અને કહ્યું હતું કે બ્લુ ટિક સબ્સ્ક્રિપ્શન સેવા 29 નવેમ્બરના રોજ ફરી શરૂ કરવામાં આવશે, પરંતુ બાદમાં બ્લુ ટિક સબ્સ્ક્રિપ્શનના રિ-લોન્ચ પર પણ પ્રતિબંધ મૂકવામાં આવ્યો હતો. આઇકોનિક બ્લુ ટિક માર્ક અગાઉ રાજકારણીઓ, સેલિબ્રિટીઓ, પત્રકારો અને અન્ય જાહેર વ્યક્તિઓના વેરિફાઇડ એકાઉન્ટ્સ માટે રિઝર્વ રાખવામાં આવતું હતું.
એલોન મસ્કે ટ્વિટર પર પ્રતિબંધિત એકાઉન્ટ ધરાવતા વપરાશકર્તાઓ માટે મોટો નિર્ણય લીધો છે. હવે મસ્ક સસ્પેન્ડેડ એકાઉન્ટ ફરી શરૂ કરશે. અમેરિકાના પૂર્વ રાષ્ટ્રપતિ ડોનાલ્ડ ટ્રમ્પના ટ્વિટર હેન્ડલને રિસ્ટોર કર્યા બાદ અન્ય સસ્પેન્ડ કરેલા એકાઉન્ટ પણ રિસ્ટોર શરૂ કરવામાં આવશે. આ નિર્ણય લેતા પહેલા મસ્કે મતદાન કરીને લોકોનો અભિપ્રાય માંગ્યો હતો. 24 નવેમ્બરના રોજ, મસ્કે એક મતદાન બનાવ્યું. જેમાં પૂછવામાં આવ્યું હતું કે શું ટ્વિટરે સસ્પેન્ડ કરેલા એકાઉન્ટ માટે માફી માંગવી જોઈએ. આના પર 72.4% લોકોએ હામાં જવાબ આપ્યો.
ટ્વિટર પોલના પરિણામો બાદ એલોન મસ્કે પણ પોતાના તરફથી એક નવું ટ્વિટ કર્યું છે. ગુરુવારે મોડી રાત્રે એલોન મસ્કે ટ્વિટ કર્યું કે જનતા જે ઇચ્છે છે તે થશે. જો મોટા ભાગના ટ્વિટર યુઝર્સ સસ્પેન્ડેડ એકાઉન્ટને પુનઃસ્થાપિત કરવા પર તેમની સ્ટેમ્પ લગાવશે તો આવું થશે. તેમણે એમ પણ કહ્યું છે કે ટ્વિટર પર સસ્પેન્ડ થયેલા એકાઉન્ટને રિસ્ટોર કરવાની પ્રક્રિયા આવતા સપ્તાહથી શરૂ થશે.
