ઘાટકોપરના અસલ્ફા ગામમાં શુક્રવારે મધ્યરાત્રિએ અચાનક 72 ઈંચની પાઈપલાઈન ફાટતાં પૂર જેવી સ્થિતિ સર્જાઈ હતી. અનેક ઘરો અને દુકાનોમાં પાણી ઘુસી જતાં રહેવાસીઓ અચંબામાં પડી ગયા હતા. અસલ્ફા વિસ્તારના રસ્તાઓ પણ પાણીમાં ડૂબી ગયા હતા. આ પાઈપલાઈનમાં ભંગાણ થતાં આસપાસના વિસ્તારોમાં પાણી પુરવઠાને પણ અસર થઈ છે.
last night,due to a #burst #pipeline in #Ghatkopar area of #Mumbai,many #Houses were #flooded.
Fire brigade and BMC officials were seen deployed on the spot.@mybmc @MumbaiPolice @AUThackeray @KishoriPednekar @IqbalSinghChah2 @ramkadam @VinodMishra4U pic.twitter.com/yb4FftSR3e
— Shyamsundar Pal (@ShyamasundarPal) December 31, 2022
“>
આ ઘટના શુક્રવારે રાતે 2.30 થી 3.00 વાગ્યાની વચ્ચે બની હતી. લોકો સૂતા હતા ત્યારે અચાનક શેરીઓમાં અને બેઠી ચાલીઓમાં પાણી ઘુસી ગયા હતા. ધીમે ધીમે લોકોના ઘરમાં પણ પાણી આવી ગયું હતું. ઘરમાં પાણી કેવી રીતે પ્રવેશ્યું તે જોવા માટે લોકોએ દરવાજા ખોલ્યા તો બહાર પાણી દેખાતું હતું. જેના કારણે ગભરાટ ફેલાયો હતો. આવા સમયે સાવચેતી માટે વીજળી કાપી નાખવામાં આવતા ગૂંચવણમાં વધારો થયો હતો. વરસાદના કોઈ સંકેત ન મળતાં અચાનક શું થયું તે લોકોનું ધ્યાન નહોતું. પરંતુ પાણી વધી રહ્યું હતું. જેના કારણે હોબાળો શરૂ થયો હતો. લોકોએ તરત જ મહત્વપૂર્ણ વસ્તુઓ અને કપડાં ઊંચા મૂકવાનું શરૂ કર્યું. કેટલાક લોકો ઘરના બીજા માળે જઈને બેઠા, તો બેઘર લોકોએ ઓટલાનો સહારો લીધો હતો.
થોડા સમય બાદ લોકોને ખબર પડી કે પાઈપલાઈન ફાટી ગઈ છે. જોકે પાણી વધી રહ્યું હતું. કેટલીક જગ્યાએ તો કમર સુધી પાણી ભરાયા હતા. જેના કારણે ઘરમાં ફસાયેલી મહિલાઓ, બાળકો અને વૃદ્ધોને સલામત સ્થળે ખસેડવામાં આવ્યા હતા. પાલિકાની બેદરકારી સામે લોકોમાં રોષ જોવા મળ્યો હતો. પાણીના કારણે રહીશોને હજારો રૂપિયાનું નુકસાન થયું છે. ટીવી, ફ્રિજ, કપડાંને નુકસાન થયું છે અને રહીશોએ મહાનગરપાલિકા પાસે આર્થિક મદદની માંગ કરી છે.
શનિવારે સવારે સવારે સાત વાગ્યાની આસપાસ પાણી ઓસરી જતાં હવે પાઈપલાઈન રિપેરિંગની કામગીરી હાથ ધરવામાં આવી છે. પાલિકાના કર્મચારીઓનો મોટો કાફલો સ્થળ પર છે. આ કામ વહેલી તકે પૂર્ણ કરવાના પ્રયાસો ચાલી રહ્યા છે.
