દિલ્હીના ડેપ્યુટી સીએમ મનીષ સિસોદિયાની લિકર પોલિસી કોભાંડ કેસમાં પૂછપરછ દરમિયાન સહકાર ન આપવા બદલ CBI દ્વારા રવિવારે 26 ફેબ્રુઆરીના રોજ ધરપકડ કરવામાં આવી હતી. હવે સિસોદિયાએ તેમની ધરપકડ સામે સુપ્રીમ કોર્ટમાં અરજી કરી છે. તેમના વતી વકીલોએ સીબીઆઈ જે રીતે કામ કરી રહી છે તેની સામે અરજી કરી છે.
મનીષ સિસોદિયાના વકીલ અભિષેક મનુ સિંઘવીએ ચીફ જસ્ટિસને આ મામલે જલ્દી સુનાવણી કરવા વિનંતી કરી હતી. જેના પર CJIએ કહ્યું કે તેઓ હાઈકોર્ટમાં જાય અથવા અન્ય કાયદાકીય વિકલ્પો અપનાવે. એડવોકેટ સિંઘવીની વિનંતી પર ચીફ જસ્ટિસે આજે બપોરે 3.50 કલાકે સુનાવણીનો સમય આપ્યો હતો.
બીજી તરફ CBIએ મનીષ સિસોદિયાની પૂછપરછ શરૂ કરી દીધી છે. સીબીઆઈએ સિસોદિયા માટે પ્રશ્નોની લાંબી યાદી તૈયાર કરી છે. ધરપકડ બાદ સિસોદિયાની પહેલીવાર પૂછપરછ કરવામાં આવી રહી છે. સૂત્રોના જણાવ્યા અનુસાર સીબીઆઈએ ફરી એકવાર નવેસરથી તપાસ શરૂ કરી છે.
એક્સાઈઝ પોલિસી કેસમાં નાયબ મુખ્યપ્રધાન મનીષ સિસોદિયાને પાંચ દિવસ માટે સેન્ટ્રલ બ્યુરો ઑફ ઈન્વેસ્ટિગેશન(CBI)ની કસ્ટડીમાં છે. કોર્ટે સંમતિ આપી હતી કે તપાસ માટે રિમાન્ડ જરૂરી છે. બીજી તરફ સિસોદિયાને કહેવામાં આવ્યું કે તત્કાલિન લેફ્ટનન્ટ ગવર્નરે એક્સાઇઝ પોલિસીમાં ફેરફારને મંજૂરી આપી હતી, પરંતુ સીબીઆઈ ચૂંટાયેલી સરકાર પાછળ પડી છે.