1,780 કરોડ રુપિયાના 28 પ્રકલ્પનું શિલારોપણ, ઉદ્ઘાટન
વારાણસીઃ અહીં વડા પ્રધાન નરેન્દ્ર મોદીએ પોતાના સંસદીય મતવિસ્તાર વારાણસીમાં 1,780 કરોડ રુપિયાના પ્રકલ્પોનું શિલારોપણ કર્યું હતું. જાહેર પરિવહન સેવામાં રોપ-વેનો શિલાન્યાસ કરતા વડા પ્રધાન મોદીએ કહ્યું હતું કે નવરાત્રિનો પુણ્ય સમય છે. આજે મા ચંદ્રઘંટાની પૂજાનો દિવસ છે. મારું સૌભાગ્ય છે કે આજે આ પર્વના દિવસોમાં કાશીની ધરતી પર તમારા સૌની વચ્ચે છું. માં ચંદ્રઘંટાના આશીર્વાદથી આજે બનારસની સમૃદ્ધિમાં એક નવા અધ્યાયનો ઉમેરો થયો છે.
વડા પ્રધાન મોદીએ કહ્યું હતું કે આજે સમગ્ર દેશ અને દુનિયામાં કાશીના વિકાસની ચર્ચા થઈ રહી છે, જે કોઈ પણ કાશી આવે છે તે અહીંથી નવી ઊર્જા લઈ રહ્યો છે. વિદેશમાં મળતા લોકો કહે છે કે વિશ્વનાથ ધામના પુનઃનિર્માણથી તેઓ કેવી રીતે મંત્રમુગ્ધ થઈ ગયા છે, પરંતુ હવે આપણે આ ધામના પુનઃનિર્માણથી કેવી રીતે મંત્રમુગ્ધ થઈ ગયા છીએ. એક પગલું આગળ જાઓ. હવે આ રોપ-વે અહીં બનાવવાથી કાશીની સુવિધા અને આકર્ષણ બંને વધશે.આજે બનારસની એર કનેક્ટિવિટી મજબૂત કરવાની દિશામાં ઘણું કામ કરવામાં આવ્યું છે. બાબતપુર એરપોર્ટ પર આજે નવા એટીસી ટાવરનું પણ ઉદ્ઘાટન કરવામાં આવ્યું હતું.
PM @narendramodi interacts with beneficiaries of loans of Government schemes under the Credit Outreach Program in #Varanasi@PMOIndia#PMModiInVaranasi pic.twitter.com/7t2izymcao
— DD News (@DDNewslive) March 24, 2023
વડા પ્રધાન મોદીએ કહ્યું હતું કે 2014 પહેલા લોકોને બેંકમાં ખાતુ ખોલવા માટે પરસેવો છૂટતો હતો. બેંકો પાસેથી લોન લેવાનું પણ ગરીબો વિચારી શકતા નહોતા. આજે ગરીબ પરિવારના લોકો પણ જનધન બેંકોમાં ખાતા ધરાવે છે. તેમના અધિકારના પૈસા…સરકારી સહાય પણ સીધા તેમના ખાતામાં જમા થાય છે, એમ તેમણે જણાવ્યું હતું.
PM @narendramodi interacts with the winners of ‘Sansad Khel’ competition in #Varanasi, Uttar Pradesh @PMOIndia@YASMinistry pic.twitter.com/1UTNphvTyZ
— DD News (@DDNewslive) March 24, 2023
વડા પ્રધાન મોદીએ યોગી આદિત્યનાથની સાથે ડો. સંપૂર્ણનાદન યુનિવર્સિટી મેદાનમાં બનાવવામાં આવેલા મંચ પર બપોરે 1.12 વાગ્યે પહોંચ્યા હતા. વડા પ્રધાન મોદીએ 1,780 કરોડ રુપિયાના મૂલ્યની 27 યોજનાનું લોકાર્પણ અને શિલાન્યાસ કર્યો હતો. અહીંની સભામાં હજારો સંખ્યામાં સ્થાનિકોએ હર હર મહાદેવ અને જય શ્રી રામના નારાથી વડા પ્રધાન મોદીનું સ્વાગત કરવામાં આવ્યું હતું.
