મધ્યપ્રદેશના વિદિશામાં 8 વર્ષનો માસૂમ બાળક 60 ફૂટ ઊંડા બોરવેલમાં પડી ગયો હતો. બાળકનો જીવ બચાવવા માટે રેસ્ક્યુ ઓપરેશન શરૂ કરવામાં આવ્યું છે. બાળક 43 ફૂટ પર ફસાઈ ગયો છે. SDRF અને NDRFની ટીમો ઘટનાસ્થળે હાજર છે. ઘણા કલાકોથી બાળકને બચાવવાનો પ્રયાસ કરવામાં આવી રહ્યો છે.
મળતી માહિતી મુજબ લોકેશ નામનો આઠ વર્ષનો બાળક બોરવેલમાં પોતાના જીવન માટે લડી રહ્યો છે. બાળક મેદાનમાં રમી રહ્યો હતો અને રમતા રમતા બોરવેલમાં પડી ગયો હતો. થોડા કલાકોના પ્રયત્નો પછી, બાળકને બચાવી લેવામાં આવશે, એવી એનડીઆરએફની ટીમને આશા છે. લોકેશને બચાવવા માટે બોરવેલની બાજુમાં 50 ફૂટ ઊંડો બીજો ખાડો ખોદવામાં આવી રહ્યો છે.
આ કેસ અંગે વિદિશાના એડિશનલ એસપીએ જણાવ્યું હતું કે, “સૌથી પહેલા અમને નજીકની હોસ્પિટલમાંથી ઓક્સિજન મેળવ્યો હતો. આ સાથે, અમે નાઇટ વિઝન કેમેરા લીધો છે અને બાળકને જોવા માટે ત્યાં મૂક્યો છે. NDRFની ટીમે એક પ્લાન બનાવ્યો છે કે લગભગ 50 ફૂટ તેઓ ખાડો ખોદશે અને પછી એક ટનલ બનાવશે. ટનલ બનાવીને, એક પ્લેટફોર્મ દ્વારા નીચે બાળકને ટેકો આપવામાં આવશે, જેથી તે વધુ નીચે ન જાય.
સીએમ શિવરાજ સિંહ ચૌહાણે પણ બોરવેલમાં પડેલા બાળક અંગે ચિંતા વ્યક્ત કરી હતી. તેમણે સ્થાનિક પ્રશાસનને બાળકને સુરક્ષિત બહાર કાઢવા માટે સૂચના આપી છે.
Also Read
7 વર્ષનો માસૂમ લોકેશ જીવનની લડાઈ હારી ગયો
