આ સપ્તાહના ગ્રહયોગો અને ખગોલિક સ્થિતિ

ગ્રહ સંકેત -વિનોદ રાવલ

આ સપ્તાહમાં બુધ અને રાહુની યૂતિ થાય છે. આ સાથે બુધ અને પ્લુટોનો કેન્દ્ર યોગ બને છે. આ સપ્તાહમાં સૂર્યનું ગુરુનું ક્રાતિસામ્ય છે.
આ સપ્તાહમાં બુધ અને મંગળનો પરિવર્તન યોગ છે.
મિત્રો ૧૫-૫-૨૦૨૩ના ગ્રહયોગો બતાવે છે કે દેશ અને દુનિયા માટે તોફાની બની રહેશે. આ સમયમાં કુદરતી આફતો આવી શકે છે. ધરતીકંપ, વાવાઝોડા, મોટી આગના બનાવો બને. આતંકવાદી હુમલા, ત્રાસવાદી આતંક વધે, બોર્ડર પર મોટા ટેન્સન, લૂંટફાટ, સાથે સરકારોમાં બનતાં તંગદિલી સર્જાય.
આ કારણોસર આ સમયમાં મોટી વેચવાલીઓ શૅરબજારમા આવતાં પેનિક સર્જાય, બજારમાં મોટી વેચવાલી આવતા નિફટી, સેન્સેક્સમાં સારી ગિરાવટ
જોવા મળે.
આ ગ્રહયોગો બજારને કંઇ દિશા આપશે તે જોઇએ…
શૅરબજાર: આ સપ્તાહની શરૂઆત શૅરબજારમાં મજબૂતાઇથી થાય પણ આ સપ્તાહમાં બજારમાં નરમાઇના યોગો હોવાથી સપ્તાહના પહેલા દિવસથી વેચીને વેપાર કરવો લાભદાયી થઇ શકે છે. આ સપ્તાહના ગ્રહયોગો બતાવે છે કે સપ્તાહના મધ્યના દિવસોમાં કોઇ કારણ આવતા ચાલુ બજારે વેચવાલી આવતાં ઇન્ડેક્સમાં નરમાઇ જોવા મળે. સપ્તાહના મધ્યથી અંત સુધીમાં એકાદ દિવસ નફારૂપી લેવાલી આવી શકે છે. પણ તેજીનો વેપાર કરવો નહીં. માટે નફો બુક કરતાં રહેવો.
આ સપ્તાહમાં ખુલતાં ઇન્ડેક્સ કરતા સપ્તાહના અંતિમ દિવસોનો ઇન્ડેક્સ અને નિફટી નરમ જોવા મળે.
મિત્રો, મે માસનાં પુટ બાય કરી અને કોલ સેલ કરી વેપાર ગોઠવી શકાય.
આ સપ્તાહમાં મેટલ, બૅન્ક, ફાઇનાન્સ, ઑટો, રિલાયન્સ, ફાઇનાન્સ સેક્ટરમાં વધઘટ જોવા મળી શકે.
સોના-ચાંદી: આ સપ્તાહમાં સોના, ચાંદીમાં આ સપ્તાહમાં મજબૂતાઇથી સપ્તાહની શરૂઆત જોવા મળી શકે છે. પણ આ સપ્તાહ મંદી તરફ રહે તેવા યોગો હોવાથી સોના અને ચાંદી વાયદા અને હાજરમાં આ સપ્તાહના શરૂઆતના દિવસથી જ બજારમાં વેચીને વેપાર ગોઠવવાથી લાભ મળી શકે છે. ખાસ ચાંદીમાં વેચીને વેપાર કરવો લાભદાયી રહે. એકાદ દિવસ વેચવાલી આવતાં ભાવમાં સારી નરમાઇ જોવા મળે. સપ્તાહના શરૂઆતના દિવસોમાં અને મધ્યના દિવસોમાં બજારમાં વેચવાલી આવી શકે છે.
સપ્તાહની મધ્યમાં નફારૂપી લેવાલી આવતાં ભાવમાં સામાન્ય મજબૂતાઇ જોવા મળે. નફો બુક કરતા જવો. બજારમાં નરમ ધ્યાન રાખીને વેપાર કરવો.પણ વધઘટ બન્ને સાઇડ આવી શકે છે માટે નફો બુક કરતા જવો.આ સપ્તાહમાં દરેક ઊંચા ભાવે વેચીને વેપાર કરવો લાભદાયી થઇ શકે છે. સપ્તાહના અંંતિમ દિવસોમાં સોના-ચાંદીમાં બેતરફી બજાર જોવા મળે.
ક્રૂડ ઑઇલ: ક્રૂડ ઑઇલમાં આ સપ્તાહમાં પણ મજબૂત ભાવ મળે. ક્રૂડ ઑઇલમાં શરૂઆતના દિવસથી સ્ટૉક કરીને તેજીનો વેપાર ગોઠવવો. આ સપ્તાહના શરૂઆતના દિવસોમાં સ્ટૉક કરીને તેજીનો વેપાર ગોઠવતાં જવો. સપ્તાહની મધ્યના દિવસમાં બજાર બે તરફી ચાલ બતાવી શકે છે. આ સપ્તાહમાં શરૂઆતના દિવસોથી મજબૂત ધ્યાન રાખીને વેપાર કરવો. સપ્તાહના અંતિમ દિવસો સુધી તેજીનો વેપાર રાખી શકાય. સપ્તાહના અંતિમ દિવસોમાં લેવાલી આવતાં બજાર મજબૂત રહી શકે છે. આ સપ્તાહમાં ક્રૂડ ઑઇલમાં મજબૂત ભાવ રહી શકે છે.
કોમોડિટી: કોમોડિટી બજાર મજબૂતી તરફ રહે તેવા યોગો હોવાથી સિંગતેલ, કપાસીયાં તેલ, તેલીબિયાં અને દિવેલમાં સપ્તાહની શરૂઆત મજબૂત ભાવથી થાય. સપ્તાહની શરૂઆતના દિવસથી જ તેજી ધ્યાન રાખીને વેપાર ગોઠવતાં જવો.
આ સપ્તાહમાં તેલ તેલીબિયાં, કપાસિયાં, એરંડા દિવેલ, તેલમાં તેજી ધ્યાન રાખીને વેપાર દરેક ભાવે કરવો. સપ્તાહના મધ્યના દિવસો સુધી સ્ટોક કરતાં જવું લાભદાયી રહે.
આ દિવસોમાં એકાદ દિવસ બજારમાં સામાન્ય નરમાઇ અથવા સાંકડી વધઘટ જોવા મળે. મંદીનો વેપાર કરવો નહીં. કપાસિયા, એરંડા અને દિવેલ, તેલમાં આ સપ્તાહમાં નવી લેવાલી આવતા હાજર અને વાયદામાં મજબૂતાઇ જોવા મળે.