ફોકસ – દીક્ષિતા મકવાણા
ધાર્મિક નગરી અયોધ્યામાં કરોડો રામ ભક્તોનું સપનું સાકાર થઈ રહ્યું છે. કારણ કે તેમના આરાધ્ય દેવનું મંદિર આકાર લઈ રહ્યું છે. હજારો બલિદાન અને સેંકડો વર્ષોના સંઘર્ષ પછી અયોધ્યામાં ભગવાન શ્રી રામનું ભવ્ય અને દિવ્ય મંદિર ઝડપથી બની રહ્યું છે. ગર્ભગૃહનું નિર્માણ ડિસેમ્બર ૨૦૨૩માં પૂર્ણ થશે, જ્યારે ડિસેમ્બર ૨૦૨૩માં ભગવાન રામ પણ તેમના ગર્ભગૃહમાં બિરાજશે.
હકીકતમાં કાશીમાં બનેલા કોરિડોરનું ઉદ્ઘાટન ડિસેમ્બર મહિનામાં કરવામાં આવ્યું હતું. એટલે કે જે મુજબ તીર્થ ક્ષેત્ર ટ્રસ્ટ આ દિવસોમાં ભગવાન રામના ગર્ભગૃહમાં બાળ રામલલાના બેસવાની તૈયારી કરી રહ્યું છે, તે સ્પષ્ટપણે દર્શાવે છે કે ભગવાન રામનું ભવ્ય મંદિર યુદ્ધના ધોરણે બનાવવામાં આવી રહ્યું છે. જો કે આ દરમિયાન રામ મંદિરના ટ્રસ્ટ તરફથી એક મોટા સમાચાર સામે આવ્યા બાદ રામ ભક્તોમાં ઉત્સાહ જોવા મળ્યો હતો.
શ્રી રામ જન્મભૂમિ તીર્થ ક્ષેત્ર ટ્રસ્ટના મહાસચિવે કહ્યું કે ડિસેમ્બર મહિનામાં કાશીમાં કોરિડોરનું ઉદ્ઘાટન કરવામાં આવ્યું હતું. એ જ રીતે અયોધ્યામાં બની રહેલા ભગવાન રામના ભવ્ય મંદિરનું પણ ડિસેમ્બર ૨૦૨૩માં ઉદ્ઘાટન થઈ શકે છે.
ટ્રસ્ટના જનરલ સેક્રેટરીના નિવેદનના આધારે ગણીને મંદિરના નિર્માણની પ્રગતિ પર નજર કરીએ તો મંદિરના ગ્રાઉન્ડ ફ્લોરનું બાંધકામ અંતિમ તબક્કામાં છે. ગર્ભગૃહની દીવાલો અને તેની ફરતે પરિક્રમા માર્ગ ઊભો કરવામાં આવ્યો છે. મંદિરના ગ્રાઉન્ડ ફ્લોર પર પાંચ મંડપ બનાવવામાં આવી રહ્યા છે. એટલું જ નહીં મંદિરમાં ૧૬૬ સ્તંભ પણ લગાવવામાં આવ્યા છે. સિંહદ્વારની સાથે મંદિરમાં ૩૨ સીડીઓ પણ બનાવવામાં આવી રહી છે. આ ઉપરાંત આગામી ૧૫ દિવસ બાદ મંદિરની છત બનાવવાનું કામ પણ શરૂ થશે. આ દરમિયાન રામ મંદિર ટ્રસ્ટના મહાસચિવનું કહેવું છે કે ૨૧મી સદીમાં અયોધ્યાનું રામ મંદિર લોકો માટે એક અનોખું મંદિર હશે અને ભગવાને જે વિચાર્યું છે તે સ્વીકાર્યું છે. મંદિર સમયસર પૂર્ણ થશે અને ૨૦૨૩માં પ્રાણ પ્રતિષ્ઠા થશે.
