સેન વિસેન્ટેઃ મેક્સિકોના ઉત્તર બાજા કેલિફોર્નિયામાં આયોજિત કાર રેસિંગ શો દરમિયાન ફાયરિંગ કરવામાં આવ્યું હતું. અહીં શોને જોવા માટે મોટી સંખ્યામાં લોકો આવ્યા ત્યારે કેટલાક અજાણ્યા હુમલાખોરોએ ગ્રીન વાનમાં અંધાધૂંધ ગોળીબાર કર્યો હતો, જેમાં 10 કાર રેસરનાં મોત થયા હતા. જ્યારે 9 વધુ ઘાયલ થયા હતા.
આ મુદ્દે કેલિફોર્નિયા રાજ્યના એટર્ની જનરલે કહ્યું કે હુમલો એન્સેનાડા શહેરના સેન વિન્સેન્ટે વિસ્તારમાં ઓલ-ટેરેન કાર રેસિંગ શો દરમિયાન થયો હતો. હેલ્પલાઈન નંબર 911 કોલના અહેવાલ અનુસાર હુમલાખોરો બંદૂકોથી સજ્જ હતા. હુમલાખોરો ગ્રીન વાનમાંથી બહાર આવ્યા અને ગોળીબાર કર્યો. માહિતી મળી હતી. આ બનાવ પછી મ્યુનિસિપલ અને રાજ્ય પોલીસ, મરીન, ફાયર બ્રિગેડ અને મેક્સિકન રેડ ક્રોસ તમામ ઘટનાસ્થળે દોડી આવ્યા હતા. અહીંના ગોળીબારમાં 10 લોકોના ઘટનાસ્થળે જ મોત થયા હતા. બાકીના 9 લોકોની હાલત હજુ પણ નાજુક છે. તેને તાત્કાલિક હોસ્પિટલમાં દાખલ કરવામાં આવ્યા છે, જ્યાં તેમની સારવાર ચાલી રહી છે. હાલમાં કેટલાક લોકોની હાલત નાજુક છે. અમેરિકન સરકારે હવે આમાં કોઈ મોટો નિર્ણય લેવો જોઈએ. નહિંતર, રોજબરોજ આવા કિસ્સાઓ ક્યાંક ને ક્યાંકથી આવતા રહેશે, એવું સૂત્રોએ જણાવ્યું હતું.
આ જ અઠવાડિયામાં ગોળીબારના બનાવમાં ત્રણ જણના મોત થયા હતા, જેમાં એક પોલીસ અધિકારીનું મોત થયું હતું. ફાર્મિંગટન શહેરમાં સવારના અગિયાર વાગ્યે ગોળીબારનો બનાવ બન્યો હતો. છેલ્લા કેટલાક દાયકાઓથી અમેરિકા ગન-કલ્ચરના સંકટનો સામનો કરી રહ્યું છે. ફાયરિંગની ઘટનાઓ અહીં સામાન્ય બની ગઈ છે. ઘણી વખત આ એક રાજકીય મુદ્દો પણ બની ગયો હતો, પરંતુ તેમ છતાં તેમાં કોઈ પ્રકારનો પ્રતિબંધ નહોતો. આ મુદ્દે વહેલી તકે નક્કર નિર્ણય લેવા જોઈએ, જેથી લોકોનું રક્ષણ કરી શકાય, એવું સ્થાનિકોએ જણાવ્યું હતું.
