ફોકસ -રાજેશ યાજ્ઞિક

બોલીવૂડમાં કપૂર, ખાન હોવું ભાગ્યશાળી કહેવાય છે કેમકે ફિલ્મોમાં સીધી એન્ટ્રી મળે છે. પૃથ્વીરાજ કપૂરનું ખાનદાન, ધર્મેન્દ્રનું ખાનદાન, સલીમખાનનું ખાનદાન, રોશન ફેમિલી વગેરે બોલીવૂડમાં છવાયેલા રહ્યાં છે, પરંતુ છેલ્લા કેટલાક વર્ષોમાં એવા સ્ટાર્સ છે, જેમનું કોઈ ફિલ્મી બેકગ્રાઉન્ડ ન હોવાં છતાં પોતાની મહેનત અને પ્રતિભાના જોરે તેમણે બોલીવુડમાં પોતાનું આગવું સ્થાન બનાવ્યું હોય. ચાલો જાણીએ એવા સિતારાઓને જેમના પરિવારને કોઈ જાણતું નથી, પણ દુનિયા તેમને જાણે છે.
———–
અનુષ્કા શર્મા
બોલીવૂડની હાઈએસ્ટ પેઈડ એક્ટ્રેસ અનુષ્કા શર્માનો જન્મ ૧ મે, ૧૯૮૮ના રોજ ઉત્તર પ્રદેશના અયોધ્યામાં થયો હતો. તેના પિતા કર્નલ અજય કુમાર શર્મા આર્મી ઓફિસર છે અને તેની માતા આશિમા શર્મા ગૃહિણી છે. તેના પિતા ઉત્તર પ્રદેશના વતની છે, જ્યારે તેની માતા ગઢવાલી છે. તેના મોટા ભાઈ ફિલ્મ નિર્માતા કર્ણેશ શર્મા છે, જેમણે અગાઉ મર્ચન્ટ નેવીમાં સેવા આપી હતી. નેવીમાં જોડાતા પહેલા કર્ણેશ અંડર-૧૯ બેંગલોર રણજી ક્રિકેટ ટીમ માટે રમ્યો હતો.
————–
આયુષ્યમાન ખુરાના
આ ફૂટડો હીરો સારો ગાયક પણ છે તે સહુ જાણે છે. તેનું મૂળ નામ નિશાંત ખુરાના હતું. તેના પિતા પી. ખુરાના જાણીતા જ્યોતિષી છે. તેઓ આજે પણ એ ઘરમાં રહેવાનું પસંદ કરે છે જ્યાં એક્ટરનો જન્મ થયો હતો. ચંદીગઢમાં જન્મેલા અને ઉછરેલા આ પંજાબી મુંડાના પરિવારનો હિન્દી ફિલ્મ ઉદ્યોગ સાથે કોઈ સંબંધ નથી. આયુષ્યમાને સ્કૂલ ઓફ કોમ્યુનિકેશન સ્ટડીઝ, પંજાબ યુનિવર્સિટી, ચંદીગઢમાંથી માસ કોમ્યુનિકેશનમાં માસ્ટર્સ કર્યું છે અને તેના પાંચ વર્ષના કોલેજ જીવન દરમિયાન હંમેશાં થિયેટર સાથે સક્રિય રીતે સંકળાયેલા છે.
————
કાર્તિક આર્યન
કાર્તિક તિવારી હવે કાર્તિક આર્યન તરીકે ઓળખાય છે. કાર્તિકનો જન્મ ૨૨ નવેમ્બર, ૧૯૯૦ના રોજ ગ્વાલિયર, મધ્ય પ્રદેશમાં થયો હતો. તેના માતાપિતા બન્ને ડૉક્ટર છે. તેમના પિતા, ડૉ. મનીષ તિવારી, બાળરોગ નિષ્ણાત છે, અને તેમની માતા ડૉ. માલા તિવારી, ગાયનેકોલોજિસ્ટ છે. તેણે નવી મુંબઈની ડી.વાય. પાટીલ કોલેજ ઓફ એન્જિનિયરિંગમાંથી બાયોટેકનોલોજિમાં એન્જિનિયરિંગની ડિગ્રી મેળવી છે.
————-
જ્હોન અબ્રાહમ
જ્હોન અબ્રાહમ એક ખ્રિસ્તી પિતા અને પારસી માતાનું સંતાન છે અને મધ્યમ વર્ગના પરિવારમાં ઉછર્યા હતા. તેના પિતા આર્કિટેક્ટ છે અને માતા ચેરિટી વર્કર છે. તેમણે જય હિંદ કોલેજમાંથી અર્થશાસ્ત્રમાં સ્નાતકની ડિગ્રી અને નરસી મોનજી ઇન્સ્ટિટ્યૂટ ઑફ મેનેજમેન્ટ સ્ટડીઝ, મુંબઈમાંથી એમબીએ કર્યું. એક વિદ્યાર્થી તરીકે જ્હોન સરેરાશથી થોડો વધારે સારો હતો અને હંમેશાં તેના વર્ગમાં ટોચના ૧૫માં રહેતો હતો, પરંતુ તે જય હિંદ કોલેજમાં ફૂટબોલ ટીમનો કેપ્ટન હતો. તેણે તેની શાળામાં ટ્રેક રેસ પણ ચલાવી હતી અને માસ્ટર જાવેદ ખાન હેઠળ ‘તાઈ ક્વોન દો’માં તાલીમ લીધી હતી.
————–
આર. માધવન
અભિનેતા આર. માધવન બોલીવૂડ અને સાઉથ સિનેમા ઉદ્યોગ બન્નેમાં જાણીતું નામ છે. માધવનના પિતા રંગનાથન શેષાદ્રી ટાટા સ્ટીલમાંથી નિવૃત્ત છે. મીડિયા રિપોર્ટ્સ અનુસાર, માધવનના પિતા ખૂબ જ સાદી જીવનશૈલી સાથે જીવે છે.
————-
સિદ્ધાર્થ મલ્હોત્રા
સિદ એક શિક્ષિત પરિવારનો છે. તેના પિતા મર્ચન્ટ નેવીમાં કેપ્ટન છે અને માતા ગૃહિણી છે. તેના મોટા ભાઈ ફાઈનાન્સના ક્ષેત્રમાં નોકરી કરે છે. તેણે તેમના શરૂઆતના વર્ષોમાં દિલ્હીમાં રહ્યા અને ૮ વર્ષની ઉંમરે મુંબઈ ગયા. તેમણે મુંબઈની સેન્ટ ઝેવિયર્સ સ્કૂલમાં અભ્યાસ કર્યો અને મોડેલિંગમાં કારકિર્દી બનાવવા માટે કોલેજ છોડી દીધી.