કેન્દ્રશાસિત પ્રદેશ લદ્દાખમાં આજે સવારે ભૂકંપના આંચકા અનુભવાયા હતા. આજે સવારે 10:05 વાગ્યે આવેલા ભૂકંપની તીવ્રતા રિક્ટર સ્કેલ પર 4.3 માપવામાં આવી છે. લદ્દાખના કારગીલથી 191 કિમી ઉત્તરમાં ભૂકંપનું કેન્દ્ર હોવાનું જાણવવામાં આવ્યું છે. નેશનલ સેન્ટર ફોર સિસ્મોલોજીએ આ અંગે માહિતી આપી છે. જો કે હજુ સુધી કોઈ જાન-માલના નુકસાનના સમાચાર નથી.
Earthquake of Magnitude:4.3, Occurred on 22-11-2022, 10:05:52 IST, Lat: 36.27 & Long: 76.26, Depth: 10 Km ,Location: 191km N of Kargil, Laddakh, India for more information Download the BhooKamp App https://t.co/Py0tH1jlhn@Indiametdept @ndmaindia @Ravi_MoES @moesgoi pic.twitter.com/Bm1xhWG1lC
— National Center for Seismology (@NCS_Earthquake) November 22, 2022
“>
આજે મંગળવારે દક્ષીણ પેસિફિક સમુદ્રમાં આવેલા સોલોમન આઈલેન્ડમાં ભૂકંપના જોરદાર આંચકા અનુભવાયા હતા. સોલોમન ટાપુઓમાં ભૂકંપની તીવ્રતા રિક્ટર સ્કેલ પર 7.3 માપવામાં આવી હતી. હજુ સુધી ત્યાં કોઈ પણ પ્રકારના નુકસાનના સમાચાર સામે આવ્યા નથી. જો કે આ શક્તિશાળી ભૂકંપ બાદ ત્યાં સુનામીની ચેતવણી જારી કરવામાં આવી છે. યુએસ જીઓલોજિકલ સર્વેએ સોલોમન ટાપુઓમાં આવેલા ભૂકંપ બાદ સુનામીની ચેતવણી જારી કરી હતી.
નોંધનીય છે કે ઈન્ડોનેશિયાના મુખ્ય દ્વીપ પર સોમવારેના રોજ આવેલા તીવ્ર ભૂકંપના કારણે 162 લોકોના મોત થયા છે અને સેંકડો લોકો ઘાયલ થયા છે. આ ભૂકંપની તીવ્રતા રિક્ટર સ્કેલ પર 5.4 માપવામાં આવી હતી. ભૂકંપના કારણે ઈન્ડોનેશિયામાં ઘણી ઈમારતોને નુકસાન પહોંચ્યું છે.
