પશ્ચિમ બંગાળના મંત્રી અખિલ ગિરી રાષ્ટ્રપતિ દ્રૌપદી મુર્મુ પર અભદ્ર ટિપ્પણી કરીને વિવાદમાં ફસાયા છે. નંદીગ્રામમાં એક સભાને સંબોધતા તેમણે રાષ્ટ્રપતિ દ્રૌપદી મુર્મુ પર અભદ્ર ટિપ્પણી કરી છે. તેણે કહ્યું કે, અમે કોઈને તેના દેખાવથી જજ કરતા નથી. અમે રાષ્ટ્રપતિપદનો આદર કરીએ છીએ, પરંતુ અમારા રાષ્ટ્રપતિ કેવા દેખાય છે?
#WATCH | "We don't judge anyone by their appearance, we respect the office of the President (of India). But how does our President look?," says West Bengal Minister and TMC leader Akhil Giri in Nandigram (11.11.2022) pic.twitter.com/UcGKbGqc7p
— ANI (@ANI) November 12, 2022
પશ્ચિમ બંગાળના મંત્રી અખિલ ગિરીનું આ ભાષણ સોશિયલ મીડિયા પર ખૂબ વાયરલ થઈ રહ્યું છે. જેના કારણે હવે મુખ્ય પ્રધાન મમતા બેનરજીને પણ લોકો ફટકાર લગાવી રહ્યા છે.
ભાજપે મમતા બેનરજી અને તેમના મંત્રી અખિલ ગિરી પર નિશાન સાધ્યું હતું. ભાજપે દાવો કર્યો હતો કે જ્યારે અખિલ ગિરીએ રાષ્ટ્રપતિ વિરુદ્ધ આ ટિપ્પણી કરી ત્યારે મમતા બેનરજી સરકારના મહિલા કલ્યાણ વિભાગના મંત્રી શશિ પંકા પણ ત્યાં હાજર હતા.
બીજેપી નેતા અમિત માલવિયાએ ટ્વિટ કરીને કહ્યું કે, મમતા બેનરજીની કેબિનેટના મંત્રી અખિલ ગિરીએ રાષ્ટ્રપતિનું અપમાન કર્યું છે. મમતા બેનરજી હંમેશા આદિવાસી વિરોધી રહ્યા છે. તેમણે ચૂંટણીમાં પણ મુર્મુને સમર્થન આપ્યું ન હતું. આ અભિવ્યક્તિનું શરમજનક સ્તર છે.
ભાજપના સાંસદ સૌમિત્રા ખાને રાષ્ટ્રીય મહિલા આયોગને પત્ર લખ્યો છે . તેમણે ટીએમસી નેતા અખિલ ગિરીની ધરપકડની માંગ કરી છે. આ ઉપરાંત તેમને ધારાસભ્ય પદેથી હટાવવાની પણ માંગ કરવામાં આવી છે. તે જ સમયે, કેન્દ્રીય મંત્રી અર્જુન મુંડાએ કહ્યું છે કે રાષ્ટ્રપતિ દ્રૌપદી મુર્મુ પર અભદ્ર ટિપ્પણી અત્યંત નિંદનીય છે. મમતા બેનરજીએ આવા નેતાને તાત્કાલિક કેબિનેટમાંથી કાઢી મૂકવો જોઈએ અને આવી ટિપ્પણી માટે દેશની માફી માંગવી જોઈએ.
રાષ્ટ્રીય મહિલા આયોગે રાષ્ટ્રપતિ મુર્મુ વિરુદ્ધ કરેલી ટિપ્પણી બદલ માફી માંગવા TMC મંત્રી અખિલ ગિરીને પત્ર લખ્યો છે. પંચે પશ્ચિમ બંગાળના ડીજીપીને આ મામલે તપાસ કરવા અને કડક કાર્યવાહી કરવા માટે પત્ર લખ્યો છે.
પશ્ચિમ બંગાળ વિધાનસભામાં વિરોધ પક્ષના નેતા શુભેન્દુ અધિકારીએ રાજ્યપાલ લા ગણેશનને પત્ર લખીને રાષ્ટ્રપતિ દ્રૌપદી મુર્મુ પરની ટિપ્પણી બદલ TMC મંત્રી અખિલ ગિરીને કાઢી મૂકવાની માગણી કરી હતી.
