હિંમતભેર પગલાં લોઃ પીએમ મોદી
કેન્દ્રીય તપાસ બ્યુરો (CBI)ની મુખ્ય જવાબદારી દેશને ભ્રષ્ટાચાર મુક્ત બનાવવાની છે. વડા પ્રધાન નરેન્દ્ર મોદીએ સોમવારે ભારપૂર્વક જણાવ્યું હતું કે આ જવાબદારી નિભાવવા માટે સીબીઆઈને ક્યાંય રોકવાની અને તે જોવાની જરૂર નથી કે તેની સામે કોણ છે. તેમણે એવી સ્પષ્ટ ચેતવણી પણ આપી હતી કે અમારી સરકારમાં ભ્રષ્ટાચાર સામે લડવાની રાજકીય ઇચ્છાશક્તિનો અભાવ નથી.
સીબીઆઈના ડાયમંડ જ્યુબિલી કાર્યક્રમનું ઉદ્ઘાટન કરતી વખતે વડાપ્રધાન બોલી રહ્યા હતા. “સરકારે કાળા નાણા, બેનામી સંપત્તિઓ સામે મિશન મોડમાં કાર્યવાહી શરૂ કરી છે. ભ્રષ્ટાચારીઓ ઉપરાંત અમે ભ્રષ્ટાચારના કારણો સામે પણ લડી રહ્યા છીએ. વિકસિત ભારતનું નિર્માણ વ્યાવસાયિક અને કાર્યક્ષમ સંસ્થાઓ વિના શક્ય નથી, તેથી CBI પર મોટી જવાબદારી છે. લોકશાહી અને ન્યાયના માર્ગમાં ભ્રષ્ટાચાર સૌથી મોટો અવરોધ છે,’ એમ મોદીએ કહ્યું હતું અને ઉમેર્યું હતું કે
વિકસિત ભારતનું નિર્માણ વ્યાવસાયિક અને કાર્યક્ષમ સંસ્થાઓ વિના શક્ય નથી, તેથી સીબીઆઈ પર મોટી જવાબદારી છે અને જણાવ્યું હતું કે જો આજે પણ કોઈ કેસનો ઉકેલ ન આવે તો તેને સીબીઆઈને સોંપવો જોઈએ.
તમે (CBI) તમારા કામ અને કામ કરવાની રીતથી લોકોમાં વિશ્વાસ જગાડ્યો છે. તમારે ક્યાંય રોકવાની જરૂર નથી,’ એમ જણાવતા મોદીએ કહ્યું હતું કે,
“હું જાણું છું કે તમે કોની વિરુદ્ધ કાર્યવાહી કરો છો. તેઓ ખૂબ જ શક્તિશાળી લોકો છે. તેઓ વર્ષોથી સરકાર અને સિસ્ટમનો હિસ્સો છે. આજે પણ તેઓ ઘણા રાજ્યોમાં સત્તાનો હિસ્સો છે. પરંતુ તેના વિશે વિચારશો નહીં. તમારે ફક્ત તમારા કામ પર ધ્યાન આપવું જોઈએ. કોઈ ભ્રષ્ટાચારી છોડવા માંગતો નથી. 10 વર્ષ પહેલા વધુ ને વધુ ભ્રષ્ટાચાર કરવાની સ્પર્ધા હતી. તે સમય દરમિયાન મોટા કૌભાંડો થયા. પરંતુ આરોપી ગભરાતા નહોતા, કારણ કે તંત્ર તેમની પડખે ઉભું હતું. 2014 પછી અમે ભ્રષ્ટાચાર, કાળા નાણા વિરુદ્ધ મિશન મોડમાં કામ કરવાનું શરૂ કર્યું. આને કારણે, પરિસ્થિતિ હવે સંપૂર્ણપણે બદલાઈ ગઈ છે,’ એમ તેમણે કહ્યું હતું.
સામાન્ય લોકો તમારા પર વિશ્વાસ કરે છે’
આજે નવી ઓફિસનું ઉદ્ઘાટન થતાં સીબીઆઈની કામગીરી વધુ સરળ બનશે. CBI તપાસની માંગ માટે આંદોલન પણ કરવામાં આવે છે. લોકો વારંવાર કહે છે કે કેસ સીબીઆઈને સોંપવો જોઈએ. સીબીઆઈનું નામ ન્યાય અને નિષ્પક્ષતાના બ્રાન્ડ તરીકે દરેકના હોઠ પર છે,” એમ વડા પ્રધાને સીબીઆઈની પ્રશંસા કરતા કહ્યું હતું. વડાપ્રધાને સીબીઆઈના કામમાં અત્યાર સુધી યોગદાન આપનારા અધિકારીઓને પણ અભિનંદન પાઠવ્યા હતા.
