કન્ઝ્યુમર કોર્ટે ફી પરત કરવા અને વળતર આપવાનો આદેશ આપ્યો
મધ્યપ્રદેશની જિલ્લા ગ્રાહક અદાલતે બાયજુના મેનેજર અને તેના પ્રમોટર અને બોલિવૂડ અભિનેતા શાહરૂખ ખાનને એક મહિલાની ફરિયાદ પર “છેતરપિંડી અને અન્યાયી વેપાર વ્યવહાર” માટે નોટિસ જારી કરી છે અને તેમને વળતર આપવા તથા ફી પરત કરવા માટે કહ્યું છે. ઈન્દોરની મહિલા પ્રિયંકા દીક્ષિતની ફરિયાદ પર આ કાર્યવાહી કરવામાં આવી છે. મહિલાએ ફરિયાદ કરી હતી કે તેને 2021માં IAS ની તૈયારી માટે બાયજુના કોચિંગ કોર્સમાં નોંધણી કરાવવા માટે પ્રેરિત કરવામાં આવી હતી અને તેણે 1.8 લાખ રૂપિયાની ફી પણ જમા કરી હતી, પરંતુ તેને કોચિંગની સુવિધા આપવામાં આવી ન હતી. માહિલાએ આક્ષેપ કર્યો હતો કે અનેક વાર આશ્વાસન આપવા છતાં પણ રકમ પરત કરવામાં આવી નથી. આ પછી મહિલાએ ફરિયાદ નોંધાવી હતી.
13 જાન્યુઆરી, 2021ની જાહેરાતથી પ્રભાવિત થઈને UPSC પરીક્ષાઓની તૈયારી કરવા માટે ફર્મના કોચિંગ કોર્સમાં પ્રવેશ મેળવ્યો હોવાનો દાવો કર્યા પછી ફરિયાદકર્તાએ અભિનેતા શાહરૂખ ખાનને પ્રતિવાદીઓમાંના એક તરીકે નામ આપ્યું હતું. બુધવારે કેસની સુનાવણી કરતી વખતે, ઇન્દોર જિલ્લા ગ્રાહક અદાલતે આદેશ આપ્યો કે ફરિયાદીએ ચૂકવેલી રકમ પરત કરવામાં આવે. કોર્ટે કહ્યું કે ફરિયાદી પ્રિયંકા દીક્ષિત દ્વારા 2021માં એડમિશન સમયે જમા કરવામાં આવેલી ફીના 1.08 લાખ રૂપિયા 12 ટકા વાર્ષિક વ્યાજ સાથે પરત કરવામાં આવે, જ્યારે 5,000 રૂપિયા મુકદ્દમા ખર્ચ તરીકે અને 50,000 રૂપિયા માનસિક યાતનાના વળતર તરીકે આપવામાં આવે.
કોર્ટે એમ પણ કહ્યું હતું કે બૈજુના સ્થાનિક મેનેજર અને અભિનેતા શાહરૂખ ખાને સંયુક્ત રીતે અથવા અલગ અલગ રીતે દીક્ષિતને આ રકમ ચૂકવવી પડશે. કોર્ટના ઓર્ડરમાં જણાવવામાં આવ્યું હતું કે પ્રતિવાદી (બાયજુના મેનેજર અને અભિનેતા શાહરૂખ ખાન) આ મામલે નોટિસ પાઠવ્યા પછી પણ ગેરહાજર રહ્યા હતા અને તેમની તરફથી કોઈ જવાબ મળ્યો ન હતો, તેથી તેમની વિરુદ્ધ કાર્યવાહી કરવામાં આવી હતી. . દીક્ષિતના વકીલ સુરેશ કાંગાએ જણાવ્યું હતું કે કોર્ટે બાયજુના ઈન્દોર સ્થિત મેનેજર અને અભિનેતા શાહરૂખ ખાનને નોટિસ પાઠવીને 30 દિવસમાં આદેશનું પાલન કરવા કહ્યું છે.
