ભારતમાં વીજ કરંટ લાગવાથી 71 વર્ષીય બ્રિટિશ પ્રવાસીનું મોત થયું છે. ઈવાન બ્રાઉને ઉત્તરીય રાજ્ય હિમાચલ પ્રદેશમાં એક પર્યટન સ્થળ પર તસવીરો લેતી વખતે પોતાનું સંતુલન ગુમાવ્યું હતું, એમ પોલીસે જણાવ્યું હતું. જ્યારે તે બેલેન્સ ગુમાવી બેઠો ત્યારે તેણે જીવંત વાયરને પકડી લીધો હતો.
ઇવાન બ્રાઉન અને તેનો મિત્ર, ડેવિડ લિન્ડર, ભારત અને તેની આસપાસના દેશોની બે મહિનાની સફરના ભાગ રૂપે આ વિસ્તારની મુલાકાત લઈ રહ્યા હતા. એક વિસ્તારની મુલાકાત દરમિાન બ્રાઉને સંતુલન ગુમાવતા તેણે અચાનક જીવંત વાયર પકડી લીધો હતો. તેઓ અને તેમનો મિત્ર ચંબા જિલ્લાના ધર્મશાલા ખાતે હતા અને ડેલહાઉસીની મુલાકાતે જવાનો પ્લાન બનાવી રહ્યા હતા.
આ ઘટના બાદ પોલીસ અને બ્રિટિશ દૂતાવાસને માહિતી આપવામાં આવી હતી અને તમામ સરકારી કાર્યવાહી બાદ પરિવારને મૃતદેહની સોંપણી કરવામાં આવી હતી.
