દક્ષિણ દિલ્હીના પુષ્પ વિહાર વિસ્તારમાં આવેલી અમૃતા સ્કૂલમાં બોમ્બ વિસ્ફોટની ધમકી આપવામાં આવી છે. એક ઈ-મેલ મોકલીને સ્કૂલને બોમ્બ અંગે જાણ કરવામાં આવી છે. સવારે 7 વાગ્યાના અરસામાં સ્કૂલ મેનેજમેન્ટને આ મેલ મળ્યો હતો. માહિતી મળ્યા બાદ દિલ્હી પોલીસ ઘટનાસ્થળે પહોંચી હતી અને શાળાને ખાલી કરાવી છે. બોમ્બ સ્કવોડની ટીમને પણ બોલાવવામાં આવી છે. શાળામાં સર્ચ ઓપરેશન ચાલુ છે.
તાજેતરમાં દિલ્હીની શાળાઓમાં બોમ્બની ધમકીનો આ પાંચમો મામલો છે. અગાઉ ઈન્ડિયન સ્કૂલમાં બે મેઈલ આવ્યા હતા. હજુ સુધી ઈ-મેલ મોકલનાર વિશે કોઈ માહિતી મળી નથી. મથુરા રોડ પરની ડીપીએસમાં બે મેઈલ આવ્યા હતા. બંને મેઈલ કરનારાઓ શાળાના વિદ્યાર્થીઓ હોવાનું બહાર આવ્યું હતું. આ પાંચમો મેલ છે, તેની તપાસ કરવામાં આવી રહી છે
Bomb Threat: દક્ષિણ દિલ્હીની શાળામાં બોમ્બ હોવાની ધમકી, પોલીસ ઘટના સ્થળે પહોંચી
