સીડીએસ જનરલ બિપિન રાવતની આજે 66મી જન્મજયંતિ

આજે CDS જનરલ બિપિન રાવતની 66મી જન્મજયંતિ છે. દેશના પ્રથમ ચીફ ડિફેન્સ સ્ટાફ બિપિન રાવતની ગર્જના સાંભળીને દુશ્મનો પણ ધ્રૂજતા હતા. આજે બિપિન રાવત ભલે આ દુનિયામાં નથી પરંતુ તેમનો દેશ પ્રત્યેનો પ્રેમ, દેશની રક્ષા કરવાની તેમની હિંમત અને સાહસ દરેક માટે હંમેશા પ્રેરણાસ્ત્રોત છે. દેશના પ્રથમ સીડીએસ જનરલ રાવતનું આકસ્મિક અવસાન દેશ માટે મોટી ખોટ હતી. CDS જનરલ બિપિન રાવત અને તેમની પત્ની મધુલિકા રાવત 8 ડિસેમ્બર 2021ના રોજ તમિલનાડુના કન્નુરમાં Mi5V17 હેલિકોપ્ટર દુર્ઘટનામાં માર્યા ગયા હતા. આ અકસ્માતમાં અન્ય 11 લોકોના પણ મોત થયા હતા. આર્મી પ્રોટોકોલ અનુસાર તેમને 17 તોપોની સલામી આપવામાં આવી હતી.

બિપિન રાવતને 21ને બદલે 17 તોપોની સલામી કેમ આપવામાં આવી?
ભારતના રાષ્ટ્રપતિ અને વરિષ્ઠ નેતાઓને તેમના અંતિમ સંસ્કાર દરમિયાન 21 તોપોની સલામી આપવામાં આવે છે. આ ઉપરાંત નેવી, આર્મી અને એરફોર્સના અધિકારીઓને 17 તોપોની સલામી પણ આપવામાં આવે છે. ભારતમાં 19 તોપોની સલામી પણ આપવામાં આવે છે. જોકે આ સલામી ત્યારે આપવામાં આવે છે જ્યારે અન્ય દેશની કોઈ મોટી વ્યક્તિ ભારતની મુલાકાતે આવે છે. આ ઉપરાંત જ્યારે ભારતના વરિષ્ઠ નેતાઓ ‘ગાર્ડ ઓફ ઓનર’ તરીકે અન્ય દેશની મુલાકાત લે છે ત્યારે પણ તેમને 19 તોપોની સલામી પણ આપવામાં આવે છે. ગયા વર્ષએ માર્ચમાં બાંગ્લાદેશ પ્રવાસ દરમિયાન પીએમ મોદીને 19 તોપોની સલામી આપવામાં આવી હતી.

અનિલ ચૌહાણ નવા CDS બન્યાઃ
અનિલ ચૌહાણને 30 સપ્ટેમ્બર 2022ના રોજ સીડીએસ બનાવવામાં આવ્યા હતા. તેમને પરમ વિશિષ્ઠ સેવા મેડલ, ઉત્તમ યુદ્ધ સેવા મેડલ, અતિ વિશિષ્ઠ સેવા મેડલ, સેવા મેડલ, વિશિષ્ટ સેવા મેડલ એનાયત કરવામાં આવ્યા છે. અનિલ જમ્મુ અને કાશ્મીરમાં આતંકવાદ વિરોધી મિશનનો બહોળો અનુભવ ધરાવે છે.

મૈનપુરી સૈનિક સ્કૂલનું નામ જનરલ બિપિન રાવતના નામ પર રાખવામાં આવ્યુંઃ
યોગી સરકારે CDS જનરલ બિપિન રાવતનું સન્માન કરવા માટે પર મૈનપુરીમાં સૈનિક સ્કૂલને તેમનું નામ આપ્યું છે. નોંધનીય છે કે ઉત્તર પ્રદેશના મુખ્યમંત્રી યોગી આદિત્યનાથે શાળાનું નામ બદલવાની લઈને સૂચના આપી હતી. આ પછી સીએમ યોગીએ KOO પર લખ્યું હતું કે, “ભારત માતાના અમર પુત્ર, ભારતના પ્રથમ CDS જનરલ બિપિન રાવતને શ્રદ્ધાંજલિરૂપે મૈનપુરી જિલ્લામાં સ્થિત સૈનિક સ્કૂલનું નામ બદલીને ‘જનરલ બિપિન રાવત સૈનિક સ્કૂલ’ કરવામાં આવ્યું છે.”