પ્રયાગરાજમાં ઉમેશ પાલની હત્યાના કેસમાં ફરાર માફિયા ડોન અતીક અહેમદના ઈનામી પુત્ર અસદને STFએ એન્કાઉન્ટરમાં ઠાર માર્યો છે. આ એન્કાઉન્ટરમાં અસદનો શૂટર ગુલામ પણ માર્યો ગયો છે. એવા સમાચાર છે કે અતીક અહેમદ પુત્ર અસદના જનાજામાં ભાગ લઈ શકશે નહીં.
ઉમેશ પાલ હત્યા કેસમાં, અતીક અહેમદના પુત્ર અસદ અને શૂટર મોહમ્મદ ગુલામ યુપી એસટીએફ દ્વારા ગુરુવારે ઝાંસીમાં એન્કાઉન્ટર દરમિયાન માર્યા ગયા હતા. અતીક અહેમદના પરિવારના સભ્યો કાં તો જેલમાં છે અથવા તો ફરાર છે, આવી સ્થિતિમાં સવાલ એ થાય છે કે અસદના અંતિમ સંસ્કાર કેવી રીતે અને કોણ કરશે? મળતી માહિતી મુજબ અતીક અહેમદ અસદના જનાજામાં જવા માંગતો હતો પરંતુ કાયદાકીય સમસ્યાઓના કારણે તેને મંજૂરી મળી શકી ન હતી. ગુરુવારે વિલંબને કારણે કોર્ટમાં પત્ર દાખલ કરી શકાયો ન હતો અને આજે કોર્ટ બંધ છે. આવી સ્થિતિમાં અસદના દાદા હારૂન અને તેના માસા ડોક્ટર ઉસ્માન તેના મૃતદેહને ઝાંસીથી પ્રયાગરાજ લાવશે.
