મહારાષ્ટ્રના અકોલામાં જૂના શહેરમાં બે સમુદાયના લોકો વચ્ચે અથડામણ થઈ હતી, જે બાદ ઉગ્ર પથ્થરમારો થયો હતો. આ દરમિયાન બદમાશોએ અનેક વાહનોની તોડફોડ કરી હતી. ત્યાં અનેક વાહનોને આગ ચાંપી દેવામાં આવી હતી. બે જૂથો વચ્ચેની અથડામણમાં એક વ્યક્તિનું મોત થયું હતું, જ્યારે એક પોલીસકર્મી સહિત ત્રણ લોકો ઘાયલ થયા હતા. ઘટનાની જાણ થતાં જ મોટી સંખ્યામાં પોલીસ દળ આ વિસ્તારમાં પહોંચી ગયું હતું. અહીં કલેક્ટરે કલમ 144 લગાવી છે.
મળતી માહિતી મુજબ, મહારાષ્ટ્રના અકોલામાં શનિવારે સાંજે ઈન્સ્ટાગ્રામ પર એક વિવાદાસ્પદ પોસ્ટ કરવામાં આવી હતી, જેના કારણે ઘણા લોકો એકઠા થઈ ગયા હતા અને પોલીસ સ્ટેશન પર પહોંચીને તેમણે ફરિયાદ નોંધાવી હતી. પોલીસે આ મામલે ગુનો નોંધ્યો હતો. દરમિયાન પોલીસ સ્ટેશને પહોંચેલા ટોળાએ બેકાબૂ બનીને વાહનોની તોડફોડ અને પથ્થરમારો શરૂ કર્યો હતો. તેમણે અનેક વાહનોને આગ ચાંપી દીધી હતી. આ દરમિયાન અન્ય એક જૂથ પણ આગળ આવ્યું હતું અને બંને પક્ષો વચ્ચે એક કલાક સુધી પથ્થરમારો ચાલુ રહ્યો હતો. હિંસક ટોળાએ અહીં તોડફોડ કરી નાખી હતી. પરિસ્થિતિને કાબૂમાં લેવા માટે અન્ય જિલ્લાઓમાંથી ભારે પોલીસ ફોર્સ બોલાવવામાં આવી હતી.
#WATCH | Maharashtra: Section 144 imposed in Akola following a violent clash between two groups over a minor dispute in the Old City police station area of Akola yesterday; morning visuals from the spot
“Some Vehicles have been damaged by the violent mob. The situation is now… pic.twitter.com/6ZNokV0lVA
— ANI (@ANI) May 14, 2023
આ ઘટના જૂના શહેરના ગંગાધર ચોક, પોલા ચોક, હરિહર પેઠ વિસ્તારની ટાઉનશીપમાં બની હતી. અહીં બે સમુદાયો સામસામે આવી ગયા હતા અને એકબીજા પર પથ્થરમારો કરવા લાગ્યા હતા. તેમણે અનેક વાહનોની તોડફોડ કરી આગ ચાંપી દીધી હતી. બદમાશોએ પોલીસ વાહન તેમજ ફાયર એન્જિન પર પણ પથ્થરમારો કર્યો હતો, જેમાં ઘણા ફાયર કર્મીઓ ઘાયલ થયા હતા.
પોલીસે સ્થિતિને કાબૂમાં લેવા માટે ટીયર ગેસના શેલ છોડ્યા હતા. આ સાથે અકોલા જિલ્લાની આસપાસના વાશિમ, બુલઢાણા, અમરાવતીથી પણ પોલીસ ફોર્સ બોલાવવામાં આવી હતી. પોલીસે તોફાનીઓની ઓળખ કરીને તેમની ધરપકડ કરવાનું શરૂ કર્યું છે. એડિશનલ એસપી મોનિકા રાઉતે જણાવ્યું કે અત્યાર સુધી પોલીસે આ કેસમાં 15 લોકોને કસ્ટડીમાં લીધા છે.
इंस्टाग्राम पर विवादित पोस्ट के बाद अकोला में हिंसा, एक की मौत । महाराष्ट्र के अकोला में दो समुदायों के बीच हिंसक झड़प हो गई, इस दौरान उपद्रवियों ने तोड़फोड़ के साथ ही आगजनी की अकोला में धारा 144 लागू ।#अकोला #AkolaViolance #Maharashtra pic.twitter.com/xVkBIYCPmd
— Namrata Dubey (@namrata_INDIATV) May 14, 2023
કલેક્ટરના આદેશ પર અકોલા શહેરમાં કલમ 144 લાગુ કરવામાં આવી છે. એડિશનલ એસપી મોનિકા રાઉતે કહ્યું હતું કે આ કેસમાં 15 લોકોની અટકાયત કરવામાં આવી છે. તેમણે જણાવ્યું હતું કે લગભગ 7 થી 8 વાહનોમાં તોડફોડ કરવામાં આવી છે. અત્યારે સ્થિતિ નિયંત્રણમાં છે.
