ગ્રહોનો રાજા સૂર્ય 14મી એપ્રિલે મેષ રાશિમાં ગોચર કરશે. આ સંક્રમણ એટલા માટે પણ ખાસ માનવામાં આવે છે કારણ કે આ પછી વર્ષનું પ્રથમ સૂર્યગ્રહણ 20 એપ્રિલે થવાનું છે. જ્યોતિષીઓના મતે સૂર્યનું આ સંક્રમણ 7 રાશિઓ માટે શુભ રહેશે. આ રાશિના જાતકોને પૈસા, કરિયર અને સ્વાસ્થ્યના મોરચે સારા પરિણામ મળશે. આવો જાણીએ આ ભાગ્યશાળી રાશિઓ કઇ કઇ છે.
મેષઃ-
મેષ રાશિમાં સૂર્યનું ગોચર તમારા કરિયર માટે ખૂબ જ ફાયદાકારક સાબિત થશે. તમે તમારી કારકિર્દીમાં સારી ગતિએ આગળ વધી શકશો. નોકરીમાં નવી તકો મળવાની પણ સંભાવના છે જે તમારી માટે લાભદાયક સાબિત થશે. વેપારીઓ માટે પણ આ સમય ઘમો ફળદાયી રહેશે.
મિથુનઃ-
મેષ રાશિમાં સૂર્યનું સંક્રમણ કરિયરની દૃષ્ટિએ તમારા માટે ખૂબ જ ફાયદાકારક સાબિત થશે. નોકરીમાં નવી અને સારી તકો મળશે. કાર્યસ્થળ પર તમને ઘણી પ્રશંસા મળશે. આ સમયમાં તમે નવો બિઝનેસ પણ શરૂ કરી શકો છો. તમને નાણાકીય લાભ મળવાની પ્રબળ શક્યતાઓ છે.
કર્કઃ-
કર્ક રાશિમાં આર્થિક લાભની શક્યતાઓ છે. પૈસાની બચત થશે. કાર્યસ્થળ પર તમે તમારા સહકર્મીઓ સાથે સારા સંબંધો જાળવી શકશો. આવકમાં વધારો થવાના સંકેતો છે. પ્રમોશન મળવાની પણ તકો છે. વિદેશ પ્રવાસે પણ જઇ શકો છો.
સિંહઃ-
સિંહ રાશિના જાતકોને કરિયરમાં પ્રમોશન મળવાની સંભાવના છે. વેપાર કરતા લોકોને ભાગ્યનો પૂરો સાથ મળશે. આ સમય દરમિયાન તમે સામાન્ય કરતા વધુ નફો કરી શકશો. વેપાર વિસ્તરણ પણ કરી શકો છો. આ સમય તમને દરેક રીતે શુભ ફળ આપશે.
વૃશ્ચિકઃ-
સૂર્યના ગોચર પછી તમને વિવિધ સ્ત્રોતોથી ધનલાભ થઈ શકે છે. જીવનસાથી સાથે આનંદમય સમય પસાર થશે. સ્વાસ્થ્યની દ્રષ્ટિએ પણ આ સંક્રમણ તમારા માટે સકારાત્મક રહેશે. કાર્યમાં પ્રગતિ થશે. લોકો તમારા કામની પ્રશંસા કરશે.
ધનુઃ-
તમને નોકરીની સારી તકો મળી શકે છે. વ્યવસાયને આગળ વધારવામાં સફળતા મળશે અને સારી કમાણી થશે. આ સાથે, તમે પૈસા બચાવવામાં પણ સફળ થશો, જે તમારી નાણાકીય સ્થિતિ મજબૂત બનશે. તમારા ઉધારીના પૈસા પાછા મળે એવી પણ શક્યતા છે.
કુંભઃ-
આ સંક્રમણ તમારા માટે સકારાત્મક પરિણામ લાવશે. કુંભ રાશિના લોકો વેપારમાં સારી પ્રગતિ કરશે. આર્થિક ફાયદો થશે. આઉટસોર્સિંગની મદદથી સારો નફો મેળવી શકશો. જીવનસાથી સાથેના સંબંધો મધુર રહેશે. આ સમય દરમિયાન તમારુ સ્વાસ્થ્ય પણ સારું રહેશે.
