કેટલાક દિવસ પહેલા એક્ટ્રેસ વીણા કપૂરના મર્ડરના સમાચાર વહેતા થયા હતાં કે તેના જ સગા દીકરાએ તેમની હત્યા કરી હતી. આ આઘાતજનક ઘટનામાં નવો વળાંક આવ્યો છે. આ કેસમાં વીણા કપૂરના નામે જે એક્ટ્રેસની તસવીર વાયરલ થઈ હતી તે એક્ટ્રેસ જીવિત છે.
થોડા દિવસ પહેલા મુંબઈમાં ટીવી એક્ટ્રેસ વીણા કપૂરની હત્યાના અહેવાલે તેમની મુશ્કેલીઓમાં વધારો કર્યો છે. એક્ટ્રેસને કામ મળતું બંધ થયું છે અને લોકો તેના દીકરાને ટ્રોલ કરી રહ્યા છે. આ વાતોથી પરેશાન વીણા કપૂરે દિંડોશી પોલીસ સ્ટેશનમાં ફરિયાદ નોંધાવતાં જણાવ્યું હતું કે, ‘જે લોકોના મેસેજ ને ફોન આવી રહ્યા છે, તે તમામને હું અપીલ કરું છું કે હું જીવિત છું. જે વીણા કપૂરની હત્યા થઈ તે પણ એક્ટ્રેસ હતી. અમે બંનેએ એક પંજાબી સિરિયલમાં સાથે કામ કર્યું હતું. જોકે, જે વીણા કપૂરની હત્યા થઈ તે હું નથી. હું બીજી છું. નામ એક હોવાને કારણે આ કન્ફ્યૂઝન થઈ છે. હું ગોરેગાંવમાં રહું છું અને મારો દીકરો મારી સાથે છે.
#WATCH | “If I don’t file a complaint now, it will continue to happen with others. It is mental harassment…”.
Actress Veena Kapoor reaches the Police station to file FIR against those who spread rumours of her murder by her own son. pic.twitter.com/AcBeSo1rwM
— ANI (@ANI) December 15, 2022
વીણા કપૂરના દીકરા અભિષેકે કહ્યું હતું કે આ સમાચાર સાંભળ્યા બાદ મને ખૂબ જ દુઃખ થયું હતું અને બીમાર પડ્યો હતો.
વીણા કપૂર ટીવી ઇન્ડસ્ટ્રીમાં જાણીતું નામ હતું. 74 વર્ષીય એક્ટ્રેસે ‘મેરી ભાભી’, ‘મિત્તર પ્યારે નૂ હાલ મુરદીન દા કહેના’, ‘ડાલઃ ધ ગેંગ’, ‘બંધન ફેરો કે’ જેવી સિરિયલમાં કામ કર્યું છે. વીણા કપૂરે ટીવી એક્ટ્રેસ નીલુ કોહલી સાથે ઘણાં શોમાં કામ કર્યું હતું. ટીવી શો ‘બ્રિટ્સ’ના બે એપિસોડમાં કામ કર્યું હતું.
