આજે આટલું જ – શોભિત દેસાઈ

પ્રેમ એટલે કે સાવ ખુલ્લી આંખોથી થતો મળવાનો વાયદો,
સ્વપ્નમાં પળાય એવો કાયદો
– ડૉ. મુકુલ ચોક્સી*
આવી માનસરમ્ય પંક્તિઓની સુરાવલી પણ એટલીજ મીઠી મધ જેવી ‘સોલી કાપડિયા’ ની પણ એની વાત પછી કરીએ પહેલાં તો હમણા ધોધમાર, દોમદોમ ચાલતી ચૂંટણીની વાત કરીએ . મીડિયા – સોશ્યલ મીડિયા- ન્યૂઝ ચેનલોના હો ચોમેરથી આક્રમણ પછી ઝાલ્યા જાય તો કવિ શાના ! એય કૂદી પડ્યા છે મેદાને એ ભલે કૂદે આપણે જરા આજે વૉટ્સએપ પર આવેલી એક પારલૌકિક પ્રસાદીની જયાફત ઉડાવીએ.
યુરોપની એક પ્રાથમિક શાળામાં
૪ થી ૮ વર્ષનાં બાળકોને
‘પ્રેમ કોને કહેવાય ?’
એવા સવાલનો જવાબ આપવાનું કહેવામાં આવ્યું
ત્યારે આટલાં નાનાં બાળકોએ
જે જવાબો આપ્યા
તે અચંબો પમાડે તેવા હતા….
એમાંનાં ઘણાં બાળકોના જવાબો પરથી તો એ ટબૂડિયાઓને પ્રેમ શબ્દની સમજણ મોટા માણસો કરતાં પણ વધારે પડે છે એવું જ લાગે !
તો એમની ભાષામાં જ એ જવાબો જોઈએ :
(૧)
મારા દાદીને
સાંધાનો વા થયેલો છે.
એ વાંકા નથી વળી શકતા
એટલે એમના પગના નખ કાપવાનું તેમ જ રંગી આપવાનું કામ
મારા દાદા
પોતાને હાથના સાંધા દુ:ખતા હોવા છતાં
નિયમિત કરી આપે છે,
એને પ્રેમ કહેવાય !
– (રિબેકા, ૮ વર્ષ)
(૨)
‘જ્યારે તમને કોઈ ચાહતું હોય
ત્યારે એ તમારું નામ
બીજા કરતાં
કંઈક જુદી રીતે જ બોલે છે !
તમને એવું લાગે
કે તમારું નામ
એના મોઢામાં ખૂબ સલામત છે,
એ જ પ્રેમ !’
– (બિલિ, ૪ વર્ષ)
(૩)
‘પ્રેમ એટલે
તમે કોઈની જોડે
નાસ્તો કરવા જાઓ
અને તમારી મનપસંદ પોટેટો-ચિપ્સ
બધી જ એને આપી દો,
બદલમાં એની પ્લેટમાંથી કંઈ પણ લીધા વિના.એ !’
– (ક્રિસ્ટી, ૬ વર્ષ)
(૪)
‘તમે જ્યારે
અત્યંત થાકેલા હો
ત્યારે પણ જે તમને હસાવી શકે એ પ્રેમ !’
– (ટેરી, ૪ વર્ષ)
(૫)
‘મારી મમ્મી
કૉફી બનાવ્યા પછી
મારા પપ્પાને આપતા પહેલા
એક ઘૂંટડો ભરીને ચાખી લે છે
કે બરાબર બની કે નહીં !’
બસ, એને જ પ્રેમ કહેવાય !
– (ડેની, ૭ વર્ષ.)
(૬)
‘તમને
ખૂબ જ ગમતી ભેટનું પેકેટ
કોઈ આપે અને
એ પેકેટ ખોલવાને બદલે
તમને એ આપનારની
વાતો સાંભળવામાં વધારે રસ પડે એ પ્રેમ !’
– (બોબી, ૭ વર્ષ.)

(૭)
‘એક છોકરી
એક છોકરાને કહે
કે તારું આ શર્ટ મને ખૂબ જ ગમે છે
અને એ પછી
છોકરો રોજે રોજ
એ શર્ટ પહેરે એ પ્રેમ !’
– (નોએલ, ૭ વર્ષ.)

(૮)
‘એક વૃદ્ધ પુરુષ
એક વૃદ્ધ સ્ત્રી
એકબીજા વિશે
બધું જાણતા હોવા છતાં
વર્ષો સુધી જોડે રહી શકે
એને પ્રેમ કહેવાય !’
– (ટોમી, ૬ વર્ષ.)
(૯)
‘મારી મમ્મી
મને સૂવડાવી દીધા પછી
મારી આંખ બંધ થયેલી જુએ
ત્યારે હળવેથી મારા ગાલ પર પપ્પી કરે છે
એ જ પ્રેમ !’
– (કલેર, ૬ વર્ષ.)
(૧૦)
‘પ્રેમ એટલે
– મારા પપ્પા કામેથી આવે
ત્યારે ધૂળ ધૂળ હોય
અને પરસેવાથી ગંધાતા હોય
છતાં મારી મમ્મી એની સામે હસે
અને એમના ધૂળ ભરેલા વાળમાં હાથ ફેરવીને એમને ભેટી પડે
– એ જ તો વળી !’
– (ક્રિસ, ૭ વર્ષ.)
(૧૧)
‘-સવારમાં
તમે હોમવર્ક કરતા હો
એ વખતે તમે જેને દૂર હાંકી કાઢ્યું હોય
અને પછી આખો દિવસ
ઘરમાં એકલું છોડી દીધું હોય
એ ગલૂડિયું
સાંજે તમે નિશાળેથી પાછા આવો
ત્યારે તમારો ગાલ ચાટે
એને પ્રેમ કહેવાય !’
– (મેરી એન, ૪ વર્ષ.)
નથી લાગતું
કે આ ટબૂડિયાઓ પાસે
પ્રેમ કોને કહેવાય
એની ઉચ્ચ અને ઉત્કૃષ્ટ સમજણ છે ????
છેલ્લે એક નાનકડી પણ બહુ મોટી વાત
પડોશમાં રહેતાં
દાદી ગુજરી ગયાં
ત્યારે ચાર જ વરસનો
એક નાનકડો બાળક દાદાને મળવા ગયો
એકાદ કલાક પછી
એ પાછો ઘેર આવ્યો
ત્યારે એની મમ્મીએ પૂછ્યું કે,
‘બેટા !
તેં વળી દાદાને શું કહ્યું ?’
‘કંઈ નહીં મમ્મી !’
બાળકે જવાબ આપ્યો,
‘એમના ખોળામાં બેસી
મેં એમને રડવામાં મદદ કરી !’
આજે આટલું જ ઉ